UIDAI : ఒక కొత్త నగరానికి లేదా ఇంటికి మారినప్పుడు, గుర్తింపు పత్రాలపై చిరునామా మార్పు చేయడం చాలా ముఖ్యం. ఈ నేపథ్యంలో, ఆధార్ కార్డులో చిరునామా, పేరు, పుట్టిన తేదీ, మొబైల్ నంబర్ వంటి ముఖ్యమైన వివరాల అప్డేట్ ప్రక్రియను UIDAI (యూనిక్ ఐడెంటిఫికేషన్ అథారిటీ ఆఫ్ ఇండియా) మరింత సులభతరం చేయనుంది.
UIDAI Key Update
నవంబర్ 2025 నుంచి అమలులోకి రానున్న కొత్త విధానంలో, వినియోగదారులు ఆధార్లో తమ వివరాలను ఆన్లైన్లో సులభంగా మార్చుకునే అవకాశం పొందనున్నారు. ఇది కేవలం తక్కువ సమయంలో, ఆధునిక ప్రభుత్వ డేటాబేస్లతో అనుసంధానం ద్వారా జరుగుతుంది. ఈ మార్పులతో ఆధార్ కేంద్రానికి వెళ్లాల్సిన అవసరం లేకుండానే ఎక్కువ మొత్తంలో అప్డేట్లు చేయవచ్చు.
ఆధార్ అప్డేట్కు కొత్త పద్ధతులు:
పాన్, పాస్పోర్ట్, రేషన్ కార్డ్ వంటి ప్రభుత్వ రికార్డుల ఆధారంగా ధృవీకరణ.
విద్యుత్ బిల్లులు, గ్యాస్ బిల్లులు వంటి యుటిలిటీ పత్రాలు కూడా చిరునామా రుజువుగా చెల్లుబాటు.
పదే పదే పత్రాలను అప్లోడ్ చేసే అవసరం ఉండదు.
డిజిటల్ ఆధార్ యాప్ ప్రారంభం త్వరలో
UIDAI ఒక QR కోడ్ ఆధారిత డిజిటల్ ఆధార్ యాప్ను కూడా తీసుకురానుంది. దీనివల్ల వినియోగదారులు అవసరమైనప్పుడు తమ ఆధార్ను డిజిటల్ లేదా మాస్క్డ్ ఫార్మాట్లో పంచుకునే వీలుంటుంది. ఈ మార్పుతో భౌతిక ఆధార్ ఫోటోకాపీలు అవసరం ఉండదు. భద్రతా పరంగా ఇది మరింత మెరుగ్గా ఉండనుంది.
ఈ సేవ ఉచితం – జూన్ 14, 2026 వరకు
UIDAI ప్రకారం, myAadhaar పోర్టల్ ద్వారా చిరునామా మార్పు వంటి సేవలు జూన్ 14, 2026 వరకు ఉచితంగా అందుబాటులో ఉంటాయి. అయితే, మీ ఆధార్ మీ మొబైల్ నంబర్కు అనుసంధానమై ఉండాలని గుర్తుంచుకోండి. ఎందుకంటే అప్డేట్ సమయంలో OTP ధృవీకరణ అవసరం అవుతుంది.
ముఖ్య సూచన:
మీ ఆధార్ కార్డు మీ మొబైల్ నంబర్కు లింక్ అయి ఉండకపోతే, వెంటనే అప్డేట్ చేయండి. లేకపోతే రాబోయే డిజిటల్ సేవలను వినియోగించలేరు.
Also Read : Jajula Srinivas Goud Shocking Comments : బీసీల సాంస్కృతిక ఉద్యమాన్ని బలోపేతం చేస్తాం