ఆసియా గేమ్స్ 2026 : ఆసియా గేమ్స్ 2026లో హర్మన్ ప్రీత్ కౌర్ సారథ్యంలోని భారత మహిళా క్రికెట్ జట్టు చరిత్ర సృష్టించింది. ఇక్కడ జరిగిన ఫైనల్లో చిరకాల ప్రత్యర్థి శ్రీలంకను 147 పరుగుల తేడాతో చిత్తుగా ఓడించింది. అరుదైన ఘనతను సాధించింది. ఆసియా క్రీడల్లో వరుసగా రెండో స్వర్ణ పతకాన్ని కైవసం చేసుకోవడం ద్వారా భారత మహిళల క్రికెట్ జట్టు ఖండాంతర స్థాయిలో తన ఆధిపత్యాన్ని మరోసారి నిరూపించుకుంది. హర్మన్ప్రీత్ కౌర్ సారథ్యంలోని జట్టు సాధించిన స్వర్ణం, ఈ టోర్నమెంట్లో భారత్కు తొలి స్వర్ణం కావడం విశేషం. 217 పరుగుల రికార్డు లక్ష్యాన్ని ఛేదించే క్రమంలో భారత్ అద్భుతమైన బ్యాటింగ్ ప్రదర్శనతో ఈ విజయాన్ని అందుకుంది.
స్మృతి మంధాన 45 బంతుల్లో 79 పరుగులతో ఎప్పటిలాగే అద్భుతంగా రాణించగా, ఆ తర్వాత రిచా ఘోష్ (22 బంతుల్లో 48) డెత్ ఓవర్లలో విధ్వంసకరమైన దాడితో భారత్ను మూడు వికెట్ల నష్టానికి 216 పరుగుల స్కోరుకు చేర్చింది. ఇది ఆసియా క్రీడల చరిత్రలోనే అత్యధిక స్కోరు . భారత్ ఆ రికార్డు లక్ష్యాన్ని చేరుకున్న తర్వాత, ఫలితం ఇక ఖరారై పోయింది. శ్రీలంక ఆశలన్నీ కెప్టెన్ చమరి అథపత్తు (21 బంతుల్లో 29) పైనే ఉన్నాయి, కానీ ఆమె ఒక్కతే భారతీయులకు గట్టి పోటీ ఇవ్వలేక పోయింది. భారత స్పిన్నర్ల విజృంభణతో శ్రీలంక 15.4 ఓవర్లలో 69 పరుగులకే ఆలౌట్ అయింది. పోటీ లేని ఈ ఫైనల్లో షఫాలీ వర్మ (48 పరుగులు, 2/3) ఆల్రౌండ్ ప్రదర్శన కనబరచగా దీప్తి శర్మ (3/6), శ్రీ చరణీ (2) ఎప్పటిలాగే వికెట్లు పడగొట్టారు.