Telangana : హైదరాబాద్ : బంగాళాఖాతంలో చోటు చేసుకున్న అల్ప పీడన ప్రభావం కారణంగా పెద్ద ఎత్తున తెలంగాణ వ్యాప్తంగా వర్షాలు కురిసే ఛాన్స్ ఉందని పేర్కొంది వాతావరణ శాఖ (ఐఎండీ). తెలంగాణ (Telangana) అంతటా ఉరుములు మెరుపులతో కూడిన వర్షాలు కొనసాగుతాయని హెచ్చరించింది. హైదరాబాద్తో సహా తెలంగాణలోని అనేక ప్రాంతాల్లో వర్షాలు కురుస్తాయని పేర్కొంది.
Telangana Weather Updates
వాతావరణ సూచనల ప్రకారం వికారాబాద్, సంగారెడ్డి, మెదక్, కామారెడ్డి, సిద్దిపేట, రాజన్న-సిర్సిల్ల, రంగారెడ్డి, మహబూబ్నగర్, నారాయణపేట వంటి పశ్చిమ జిల్లాల్లో, ముఖ్యంగా మధ్యాహ్నం నుండి రాత్రి వరకు తీవ్రమైన ఉరుములతో కూడిన భారీ వర్షాలు కురిసే అవకాశం ఉందని తెలిపింది. రాష్ట్రంలోని మిగిలిన జిల్లాల్లో కూడా పగటిపూట అక్కడక్కడా మోస్తరు నుండి భారీ వర్షాలు కురిసే అవకాశం ఉందని పేర్కొంది.
నగరంలోని పశ్చిమ ప్రాంతాలలో ముఖ్యంగా రాత్రి నాటికి, ఉరుములు మెరుపులతో కూడిన వర్షాలు పెరిగే అవకాశం ఉంది. ఇప్పటికే రోజువారీ జీవితాన్ని అస్తవ్యస్తం చేసిన వారం రోజుల ఎడతెరిపి లేకుండా కురుస్తున్న వర్షాల నేపథ్యంలో ఈ హెచ్చరిక జారీ చేయబడింది. మంగళవారం బంజారాహిల్స్లో 106.3 మి.మీ వర్షపాతం నమోదైంది, ఖైరతాబాద్లో 100.3 మి.మీ వర్షపాతం నమోదైంది.
నగరం స్తంభించి పోయింది. ప్రధాన రహదారులు జలమయం కావడంతో నగరంలో భారీ ట్రాఫిక్ రద్దీ ఏర్పడింది. కొన్ని ప్రాంతాలలో, ట్రాఫిక్ ప్రాంతాలు 2 కి.మీ వరకు విస్తరించాయి. విజయవాడ, వరంగల్, ముంబై, కరీంనగర్లకు వెళ్లే రహదారులు తీవ్ర ట్రాఫిక్ జామ్లను ఎదుర్కొన్నాయి. ఖైరతాబాద్, మాసబ్ ట్యాంక్ నుండి మెహదీపట్నంకు వెళ్లే రహదారులపై ప్రయాణించే ప్రయాణికులు గంటల తరబడి చిక్కుకు పోయారు, రోడ్లు వరదల కారణంగా వాహనాలు నత్తనడకన కదిలాయి.
Also Read : YS Sharmila Fired on AP Govt : యూరియా సరఫరాలో కూటమి సర్కార్ ఫెయిల్