విశాఖపట్నం : రాష్ట్ర పౌర సరఫరాల శాఖ మంత్రి పొంగూరు నారాయణ కీలక ప్రకటన చేశారు. విశాఖపట్నంలోని నిర్వాసిత మురికివాడలలో పర్యటించారు. ఈ సందర్బంగా ఆయన వారి కోసం ప్రత్యేకంగా గృహ ప్రణాళికను ప్రారంభించనున్నట్లు తెలిపారు. నిర్వాసిత నివాసితుల ఇళ్లను వ్యక్తిగతంగా సందర్శించి వారి జీవన పరిస్థితులను అంచనా వేశారు. తీవ్ర ఆవేదన వ్యక్తం చేశారు. అనేక కుటుంబాలు కేవలం ఆరు చదరపు అడుగుల విస్తీర్ణంలో అత్యంత ఇరుకైన ప్రదేశాలలో నివసించాల్సి రావడం బాధాకరమన్నారు నారాయణ ఆయన వెంట జివిఎంసి మేయర్ పీలా శ్రీనివాస్, వైజాగ్-దక్షిణ ఎమ్మెల్యే వంశీ కృష్ణ శ్రీనివాస్ విశాఖపట్నంలోని వెలంపేట సమీపంలోని లక్ష్మీనగర్లోని మురికివాడలను సందర్శించారు.
అక్కడ ఉన్న మహిళలతో సంభాషించారు. ఈ సందర్బంగా వారు ఎదుర్కొంటున్న సమస్యలను విన్నారు. తక్షణమే పరిష్కరించేందుకు కృషి చేస్తానంటూ హామీ ఇచ్చారు పొంగూరు నారాయణ. కాగా రాష్ట్రంలో అత్యధిక సంఖ్యలో మురికివాడలు ఉన్న విశాఖపట్నంలో నిర్వాసిత కుటుంబాలకు వెంటనే ఇళ్ల నిర్మాణం చేపట్టాలని ముఖ్యమంత్రి ఎన్. చంద్రబాబు నాయుడు ఆదేశించారని చెప్పారు. ఈ సమస్యను పరిష్కరించడానికి ప్రత్యేక కార్యాచరణ ప్రణాళికలు సిద్ధం చేస్తున్నట్లు ఆయన చెప్పారు. నివాసితులు దాదాపు 50 సంవత్సరాలుగా ఈ ప్రాంతంలో నివసిస్తున్నారని తెలిపారు. 177 కుటుంబాలకు శాశ్వత ఇళ్ళు , ప్రాథమిక సౌకర్యాలను తక్షణమే కల్పించడం జరుగుతుందన్నారు. వీలైనంత త్వరగా ఇళ్ళు నిర్మించడానికి కాంక్రీటు చర్యలు తీసుకుంటామని వారికి హామీ ఇచ్చారు.