Smriti Mandhana : న్యూఢిల్లీ : భారతీయ మహిళా క్రికెటర్ స్మృతీ మందన్నా (Smriti Mandhana) సంచలనం సృష్టించింది. ప్రత్యర్థి ఆస్ట్రేలియా జట్టుతో దేశ రాజధాని ఢిల్లీలో జరిగిన మూడో వన్డే మ్యాచ్ లో అద్భుతమైన ప్రదర్శన చేపట్టింది. కేవలం 63 బంతులు మాత్రమే ఎదుర్కొన్న మందన్నా 17 ఫోర్లు 5 సిక్సర్లతో 125 పరుగులు చేసింది. రికార్డ్ బ్రేక్ చేసింది. ఇప్పటి వరకు ఇండియా క్రికెట్ లో మహిళా జట్టు పరంగా అత్యంత వేగవంతమైన సెంచరీ చేయడం రికార్డ్. అంతే కాదు అద్భుతమైన సెంచరీతో విరాట్ కోహ్లీ ఆల్-టైమ్ వన్డే రికార్డును బద్దలు కొట్టింది. స్మృతి మంధాన 50 బంతుల్లోనే వేగవంతమైన వన్డే సెంచరీని నమోదు చేసింది, భారతదేశం తరపున విరాట్ కోహ్లీ చేసిన 52 బంతుల్లోనే వన్డే సెంచరీ రికార్డును మంధాన బద్దలు కొట్టింది.
Smriti Mandhana New Record
ఢిల్లీలోని అరుణ్ జైట్లీ స్టేడియంలో ఆస్ట్రేలియా మహిళలతో జరిగిన మూడవ, నిర్ణయాత్మక వన్డేలో భారత మహిళా క్రికెట్ జట్టు ఓపెనర్ స్మృతి మంధాన తన ఆటలో అత్యున్నత ప్రతిభను కనబరిచింది. కోహ్లీ కూడా గతంలో ఆస్ట్రేలియాపై ఈ ఘనతను సాధించాడు. అక్టోబర్ 2013లో జైపూర్లో 52 బంతుల్లోనే సెంచరీ చేశాడు. వన్డే ఫార్మాట్ లో ఇప్పటికే అత్యంత వేగవంతమైన సెంచరీ సాధించిన భారత మహిళగా నిలిచిన మంధాన, తన మునుపటి 70 బంతుల రికార్డును మెరుగు పరుచుకుంది. మొత్తం మీద, మెగ్ లానింగ్ 45 బంతుల్లోనే ఈ ఘనత సాధించడం ద్వారా వన్డే సెంచరీ సాధించిన అత్యంత వేగవంతమైన మహిళా క్రీడాకారిణిగా ఇప్పటికీ రికార్డ్ నమోదై ఉంది. 2012లో సిడ్నీలో న్యూజిలాండ్ పై ఆమె సెంచరీ చేసింది. ఆమె తర్వాత మంధాన రెండవ స్థానంలో ఉంది.
Also Read : KTR Shocking Comments : జెన్-జీ శక్తిని తక్కువ అంచనా వేయొద్దు : కేటీఆర్
