మహారాష్ట్ర : కేంద్ర ఎన్నికల సంఘం సంచలన ప్రకటన చేసింది. మహారాష్ట్రలో 1.87 కోట్ల మంది ఓటర్లు సేకరించలేని ఎన్యూమరేషన్ ఫారం వర్గంలో ఉన్నారని తెలిపింది. భారత ఎన్నికల సంఘం ప్రస్తుతం మహారాష్ట్రలో ‘స్పెషల్ ఇంటెన్సివ్ రివిజన్’ ప్రక్రియను నిర్వహిస్తోంది, దీనిని పూర్తి చేయడానికి ఆగస్టు 17 గడువుగా నిర్ణయించారు. ఈ వర్గంలో ధృవీకరణ సమయంలో కనిపించని లేదా అందుబాటులో లేని ఓటర్లు, శాశ్వతంగా వేరే ప్రాంతానికి మారిన వారు, మరణించిన ఓటర్లు, ఇప్పటికే వేరే చోట నమోదైన లేదా ఒకటి కంటే ఎక్కువసార్లు నమోదైన ఓటర్లు, ఇతర వర్గాలకు చెందిన వారు ఉన్నారు. మహారాష్ట్ర చీఫ్ ఎలక్టోరల్ ఆఫీసర్ కార్యాలయం విడుదల చేసిన గణాంకాల ప్రకారం ఓటర్ల జాబితా యొక్క ప్రత్యేక సమగ్ర సవరణ ప్రక్రియలో 33.94 లక్షల మందికి పైగా మరణించిన ఓటర్లు , 63.61 లక్షల మంది ఆచూకీ లభించని ఓటర్లు గుర్తించ బడ్డారు. బూత్ స్థాయి అధికారులు ఇంటింటికీ వెళ్లి జరిపిన ధృవీకరణ తర్వాత, రాష్ట్రంలోని మొత్తం ఓటర్లలో 19.17 శాతం మంది అంటే 1.87 కోట్ల మంది వర్గంలో చేర్చబడ్డారు.
గణాంకాల ప్రకారం, 33,94,053 మంది ఓటర్లు మరణించినట్లుగా, 63,61,113 మంది గైర్ హాజర్ గా వర్గీకరించబడ్డారు. అంటే ధృవీకరణ ప్రక్రియలో వీరి ఆచూకీ లభించలేదు లేదా వీరు అందుబాటులో లేరు. వర్గంలో పేర్లు ఉన్న ఓటర్లు, ముసాయిదా ఓటర్ల జాబితా నుండి తమ పేర్లు తొలగించ బడకుండా ఉండాలంటే, తమ సంబంధిత బీఎల్ ఓలకు తమ ఎన్యూమరేషన్ ఫారమ్లను సమర్పించాల్సి ఉంటుంది. మహారాష్ట్రలో మొత్తం 9,78,54,049 మంది నమోదిత ఓటర్లు ఉండగా, వారిలో 7,62,99,360 మంది (77.97 శాతం) ఇప్పటి వరకు తమ ఎన్యూమరేషన్ ఫారమ్లను సమర్పించారని సీఈఓ కార్యాలయం తెలిపింది. బూత్ స్థాయి అధికారుల ఇంటింటి సర్వే తర్వాత, మరో 1,87,56,231 మంది ఓటర్లు సమాచారం సేకరించలేని వర్గం కింద చేర్చారు. ఈ వర్గంలో ధృవీకరణ సమయంలో కనిపించని లేదా అందుబాటులో లేనివారు, శాశ్వతంగా వేరే ప్రాంతానికి మారినవారు, మరణించినవారు, ఇప్పటికే వేరే చోట నమోదైనవారు లేదా ఒకటి కంటే ఎక్కువసార్లు నమోదైనవారు, ఇతర వర్గాలకు చెందినవారు ఉన్నారు.