Narendra Modi : ప్రపంచంలో భారత్ ఇప్పుడు శక్తివంతంగా మారిందని, 140 కోట్ల భారతీయులలో ఆత్మవిశ్వాసం పెరిగినట్లుగా ప్రధాన మంత్రి నరేంద్రమోదీ అన్నారు. స్వాతంత్య్ర దినోత్సవం సందర్భంగా ఢిల్లీలోని ఎర్రకోటపై జాతీయ జెండా ఆవిష్కరించిన మోదీ (Narendra Modi), అనంతరం దేశ ప్రజలకు జాతినుద్దేశించి ప్రసంగించారు.
Narendra Modi – స్వాతంత్య్ర పోరాటంలో త్యాగాలు
ప్రధానమంత్రిగా జాతీయ జెండాను ఆవిష్కరించిన తర్వాత, స్వాతంత్య్రం కోసం ప్రాణాలు అర్పించిన అమరుల పట్ల మోదీ తన కృతజ్ఞతలు వ్యక్తం చేశారు. “దేశానికి స్వాతంత్య్రం రావడానికి ఎంతో మంది త్యాగాలు చేయాల్సి వచ్చింది. అటు, పహల్గాంలో జరిగిన జఘన్య హత్యలపై మోదీ తీవ్ర ఆగ్రహం వ్యక్తం చేశారు. ఈ సందర్భంగా, ఆయన ‘ఆపరేషన్ సింధూర్’ (Operation Sindoor)ను ప్రస్తావించి, ఉగ్రవాదాన్ని సమూలంగా నాశనం చేయాలని ధృడ నిశ్చయాన్ని వ్యక్తం చేశారు.
ఆపరేషన్ సింధూర్: ఉగ్రవాదం పై ఉక్కుపాదం
‘ఆపరేషన్ సింధూర్’పై మోదీ మాట్లాడుతూ, ఉగ్రవాదులను పెంచి పోషించే వారికి వార్నింగ్ ఇచ్చారు. “పహల్గామ్లో జరిగిన హత్యలు యావత్ ప్రపంచం చూసింది. ఈ ఆపరేషన్ ద్వారా మన దేశ సామర్థ్యం ప్రపంచానికి ప్రదర్శించబడింది. ఉగ్రవాదులు, మరియు వాటిని అండగా నిలిచే వారు, ఇకపై ఉపేక్షించబడరాదు,” అన్నారు.
అణుబాంబుల బెదిరింపులకు కౌంటర్
అణుబాంబుల బెదిరింపులకు భారత్ భయపడదని మోదీ స్పష్టం చేశారు. “గతంలో మన దేశాన్ని అణుబాంబు బెదిరింపులతో నెట్టుకొని ఉన్నారు, కానీ ఇప్పుడు అటువంటి బ్లాక్మెయిల్స్కు భారత్ పటించదు,” అని ఆయన పాక్ ఆర్మీ చీఫ్ను పరోక్షంగా సమాధానం ఇచ్చారు.
సింధూ నదీ విషయంపై స్పష్టం
సింధూ నది విషయంలో కూడా మోదీ (Narendra Modi) తీక్షణమైన వ్యాఖ్యలు చేశారు. “సింధూ నీళ్లు మన దేశ రైతులకే అందుబాటులో ఉంటాయి. వాటిని పాక్కు ఇవ్వాల్సిన అవసరం లేదు. దేశంలో నీటి కొరత ఉన్న ప్రాంతాలకు ఈ నీటిని తరలిస్తాం. సింధూ నదిపై సంపూర్ణ అధికారం భారత్కు ఉందని, దీని మీద ఎప్పటికీ చర్చలు జరగవని” మోదీ స్పష్టం చేశారు.
ప్రజా సంక్షేమమే ప్రధాన ధ్యేయం
ప్రధాని మోదీ మాట్లాడుతూ, “ప్రజా సంక్షేమమే నా ప్రభుత్వ ధ్యేయం. మేము ‘మేడిన్ ఇండియా’ పథకంతో దేశ శక్తిని ప్రపంచానికి చూపిస్తున్నాం,” అన్నారు. సెమీకండక్టర్ రంగంలో భారత దేశం పురోగతి సాధించిందని, ఇప్పటి వరకు నాలుగు సెమీకండక్టర్ యూనిట్లు ప్రారంభించినట్లు ఆయన తెలిపారు. “మేదిన్ ఇండియా శక్తితోనే ‘ఆపరేషన్ సింధూర్’ విజయవంతం అయింది. ఉగ్రవాదుల రక్షణ కోసం వచ్చిన పాకిస్తాన్ను కొన్ని గంటల్లోనే మోకరిల్లేలా చేశాం,” అని మోదీ గర్వంగా చెప్పారు.
భవిష్యత్తు పట్ల ఆశాజనక దృష్టికోణం
ప్రధాని మోదీ, భారతదేశం భవిష్యత్తులో మరింత శక్తివంతంగా ఎదగడానికి అన్ని వర్గాల ప్రజలు కృషి చేయాలని, తమ స్వాతంత్య్రం మరియు రక్షణ కోసం పోరాటం చేయాలని పిలుపునిచ్చారు. “ప్రపంచం ఎదుర్కొంటున్న సవాళ్లను భారతదేశం అధిగమిస్తుందని నాకు పూర్తి నమ్మకముంది,” అని ఆయన అన్నారు.
ఈ ప్రసంగంలో మోదీ పలు కీలక అంశాలను ప్రస్తావించి, దేశంలోని భవిష్యత్తు ఆర్థిక, సైనిక శక్తుల గురించి ఆశాజనక భావాలను వ్యక్తం చేశారు.
Also Read : India Independence Day Interesting : రేపే స్వాతంత్ర దినోత్సవ పండుగ