Monsoon : ఐస్క్రీం అంటే చిన్నాపెద్దలకంతా ఇష్టమే. వయస్సుతో సంబంధం లేకుండా చాలామంది అన్ని కాలాల్లోనూ ఐస్క్రీం తినడం అలవాటుగా కొనసాగిస్తున్నారు. వేసవికాలంలో చల్లని పదార్థాల వినియోగం తక్కువ సమస్యలకే దారితీస్తున్నప్పటికీ, వర్షాకాలంలో ఇదే అలవాటు ఆరోగ్య సమస్యలకు దారితీస్తుందని వైద్య నిపుణులు హెచ్చరిస్తున్నారు.
Monsoon – వాతావరణానికి అనుగుణంగా ఆహారం తీసుకోవడం ముఖ్యం
వర్షాకాలంలో (Monsoon) తేమతో కూడిన వాతావరణం వల్ల శరీర రోగ నిరోధక శక్తి బలహీనపడే అవకాశం ఉంటుంది. ఇలాంటి కాలంలో వేడి ఆహార పదార్థాలు తీసుకోవడం వల్ల ఆరోగ్యానికి మేలు కలుగుతుంది. అదే సమయంలో చల్లని పదార్థాలు, ముఖ్యంగా ఐస్క్రీం వంటి వాటిని తినడం వల్ల జలుబు, దగ్గు, గొంతునొప్పి, ఛాతీలో శబ్దం వంటి సమస్యలు రావచ్చు.
జీర్ణ సమస్యలు, ఇన్ఫెక్షన్లు
Related Post
వర్షాకాలంలో ఐస్క్రీం తినడం జీర్ణవ్యవస్థపై ప్రభావం చూపుతుంది. శరీర ఉష్ణోగ్రతకి విరుద్ధంగా చల్లని పదార్థాలను తీసుకోవడం వల్ల జీర్ణశక్తి తగ్గిపోతుంది. దీంతో పాటు బాక్టీరియల్ మరియు వైరల్ ఇన్ఫెక్షన్లకు అవకాశం పెరుగుతుంది.
అధిక చక్కెర, కొవ్వు వల్ల దీర్ఘకాలిక ప్రభావాలు
ఐస్క్రీంలో అధికంగా చక్కెర, కేలరీలు, కొవ్వు ఉండడం వల్ల దీర్ఘకాలికంగా ఊబకాయం, గుండె సంబంధిత వ్యాధులు, మధుమేహం వంటి సమస్యలు తలెత్తే అవకాశముంది. దీన్ని తరచుగా తినడం వల్ల ట్రైగ్లిసెరైడ్లు మరియు కొలెస్ట్రాల్ స్థాయిలు పెరిగిపోతాయని నిపుణులు చెబుతున్నారు.
మెదడు, దంత ఆరోగ్యంపై ప్రభావం
ఐస్క్రీం తిన్న వెంటనే కొందరికి తలనొప్పి వంటి సమస్యలు వస్తాయి. దీన్ని “బ్రెయిన్ ఫ్రీజ్”గా వ్యవహరిస్తారు. అలాగే, చక్కెరల మోతాదు అధికంగా ఉండటం వల్ల దంత సమస్యలు కూడా తలెత్తే అవకాశముంది.
వైద్యుల సూచన:
వర్షాకాలంలో ఆరోగ్య రీత్యా చల్లని పదార్థాల వినియోగాన్ని తగ్గించి, వేడి ఆహారాలే తీసుకోవాలని నిపుణులు సూచిస్తున్నారు. అంతేకాకుండా, అధిక చక్కెరతో కూడిన పదార్థాల వినియోగాన్ని పరిమితం చేయడం వల్ల ఆరోగ్యాన్ని మెరుగుపర్చుకోవచ్చని వారు అభిప్రాయపడుతున్నారు.
Also Read : Monsoon Shocking Health Tips : వర్షాకాలంలో ఈ 5 కూరగాయలు తినే ముందు జర జాగ్రత్త
