Pan Card : పాన్ కార్డు అనేది ఇప్పటి వరకు వయోజనులకే పరిమితమన్న భావన మారుతోంది. మైనర్ వయస్సులోనే పెట్టుబడులు, ఆదాయం, నామినీ అంశాలు ప్రాధాన్యం సంతరించుకుంటున్న పరిస్థితిలో, చిన్నారుల భవిష్యత్ ఆర్థిక ప్రణాళికలో పాన్ కార్డు కీలక పాత్ర పోషిస్తోంది. ఆదాయపు పన్ను చట్టం ప్రకారం, 18 ఏళ్ల లోపు పిల్లలు కూడా పాన్ కార్డుకు అర్హులు.
Pan Card for Minors
పిల్లల పేరిట మ్యూచువల్ ఫండ్లు, షేర్లలో మదుపులు చేయాలన్నా, వారికి వచ్చే ఆదాయాన్ని పన్ను చట్టంలో చూపించాలన్నా పాన్ తప్పనిసరి. అంతేకాదు, నటన, క్రీడలు, ఇతర వృత్తుల్లో పిల్లలకు ఆదాయం వస్తే ట్యాక్స్ మేనేజ్మెంట్ కోసం కూడా పాన్ (Pan Card) అవసరం. అలాగే కొన్ని స్కాలర్షిప్లు పొందేందుకు కూడా పాన్ కార్డు తప్పనిసరి అవుతోంది.
మైనర్ పాన్ కార్డు ఎలా దరఖాస్తు చేయాలి?
పిల్లల తరఫున తల్లిదండ్రులు లేదా సంరక్షకులు పాన్ కోసం దరఖాస్తు చేయవచ్చు. దీనికోసం NSDL లేదా UTIITSL అధికారిక వెబ్సైట్లను సందర్శించాలి.
దరఖాస్తు ప్రక్రియ:
- NSDL వెబ్సైట్ (https://www.onlineservices.nsdl.com/paam/endUserRegisterContact.html)లో ‘Apply for New PAN (Form 49A)’ ఆప్షన్ ఎంచుకోవాలి.
- దరఖాస్తుదారుడు మైనర్ అని పేర్కొనాలి.
- మైనర్ పేరు, పుట్టిన తేదీ, తల్లి లేదా తండ్రి పేరు, మొబైల్ నెంబర్, ఈమెయిల్ వంటి వివరాలు నమోదు చేయాలి.
- CAPTCHA నమోదు చేసి దరఖాస్తు ఫారం సబ్మిట్ చేయాలి.
- అనంతరం అవసరమైన డాక్యుమెంట్లు అప్లోడ్ చేయాలి. ముఖ్యంగా:
- మైనర్ పుట్టిన తేదీ ప్రూఫ్
- తల్లిదండ్రుల అడ్రస్ ప్రూఫ్
- గుర్తింపు పత్రాలు (ఆధార్, పాస్పోర్ట్, డ్రైవింగ్ లైసెన్స్ వంటివి)
- ఆన్లైన్లో ఫీజు చెల్లించాలి.
- డాక్యుమెంట్ల వెరిఫికేషన్ అనంతరం 15 రోజుల్లోపే పాన్ కార్డు జారీ అవుతుంది.
అధికారిక సూచనలు:
- పాన్ కార్డు కోసం ఇచ్చే సమాచారం, డాక్యుమెంట్లలో పేర్కొన్న వివరాలు ఏ మాత్రం భిన్నంగా ఉండకూడదు.
- ఆధార్ లింక్ చేసిన బ్యాంకు ఖాతా కలిగి ఉండటం మంచిది.
- భవిష్యత్తులో పెట్టుబడి, ఆర్థిక లావాదేవీలు, నామినీ ప్రక్రియలు సులభంగా జరగాలంటే మైనర్ పాన్ అవసరమే.
పిల్లల ఆర్థిక భద్రతపై దృష్టిపెట్టి ముందుగానే పాన్ కార్డు తీసుకోవడం ద్వారా భవిష్యత్తులో అనేక రకాల ప్రయోజనాలను పొందవచ్చు. ఇది చిన్నదిగా కనిపించినా, శ్రేణిగా తయారవుతున్న ఆర్థిక వ్యవస్థలో పెద్ద మార్గం తెరుస్తుంది.
Also Read : PM Kisan Interesting Update : ఎట్టకేలకు పీఎం కిసాన్ పై కీలక అప్డేట్ ఇచ్చిన కేంద్ర సర్కార్