హైదరాబాద్ : తెలంగాణ ప్రభుత్వం ప్రతిష్టాత్మకంగా చేపట్టిన తెలంగాణ గ్లోబల్ రైజింగ్ సమ్మిట్ తొలి రోజు భారీ ఎత్తున పెట్టుబడులు వచ్చాయి. ఇందులో భాగంగా సల్మాన్ ఖాన్ వెంచర్స్ తెలంగాణలో రూ. 10,000 కోట్ల ప్రాజెక్టును ప్రకటించింది. ప్రపంచ స్థాయి ఫిల్మ్ స్టూడియో, గోల్ఫ్ కోర్సు, రేస్ కోర్సు, లగ్జరీ హాస్పిటాలిటీ, ప్రీమియం గృహాలతో కూడిన పూర్తి ఇంటిగ్రేటెడ్ టౌన్షిప్ చేపట్టనున్నట్లు వెల్లడించింది. ఫ్యూచర్ సిటీలో అన్నపూర్ణ స్టూడియోను అక్కినేని నాగార్జున ప్రకటించారు. సూపర్క్రాస్ ఇండియా భారత్ ఫ్యూచర్ సిటీలో అంతర్జాతీయ ప్రమాణాల రేసింగ్ , మోటోక్రాస్ సౌకర్యాన్ని ఏర్పాటు చేస్తున్నట్లు ప్రకటించింది. ఇందులో గ్లోబల్-గ్రేడ్ ట్రాక్లు, శిక్షణా మండలాలు, ప్రేక్షకుల స్టాండ్లు , ఈవెంట్ మౌలిక సదుపాయాలు ఉంటాయని తెలిపింది.
అపోలో హాస్పిటల్స్ రూ . 100 కోట్ల పునరావృత వార్షిక పెట్టుబడులతో పాటు రూ. 800 కోట్ల వైద్య విశ్వ విద్యాలయంతో దీర్ఘకాలిక ఆరోగ్య సంరక్షణ అవగాహన ఒప్పందంపై సంతకం చేసింది. ప్రపంచ విద్య, పరిశోధన , విద్యార్థుల చలనశీలతను మరింతగా పెంచడానికి లండన్ విశ్వ విద్యాలయం తెలంగాణతో తన భాగస్వామ్యాన్ని ప్రకటించింది. సోలార్, పంప్డ్ స్టోరేజ్, ఈవీ ల కోసం MEIL రూ. 8,000 కోట్లపై సంతకం చేసింది. తెలంగాణ అంతటా 25 కంప్రెస్డ్ బయోగ్యాస్ ప్లాంట్లను నిర్మించడానికి అతిరత్ హోల్డింగ్స్ రూ. 4,000 కోట్లు పెట్టుబడి పెట్టనున్నట్లు ప్రకటించింది.
స్మార్ట్-సిటీ మరియు డిజిటల్ మౌలిక సదుపాయాల అభివృద్ధికి ట్రంప్ మీడియా , టెక్నాలజీ గ్రూప్ 5 బిలియన్ డాలర్ల ను పెట్టుబడిగా పెడతామని స్పష్టం చేసింది. బ్రూక్ఫీల్డ్ + యాక్సిస్ వెంచర్స్ భారత్ ఫ్యూచర్ సిటీలో గ్లోబల్ డీప్ టెక్ ఇన్నోవేషన్ సిటీ కోసం రూ. 75,000 కోట్లు ప్రకటించింది. విన్ గ్రూప్ పునరుత్పాదక శక్తి, EV ఇన్ఫ్రా , స్మార్ట్ అర్బన్ ప్లానింగ్ కోసం రూ. 27,000 కోట్లు పెడతామని వెల్లడించింది. సిడ్బీ ప్రారంభ దశ వెంచర్లకు రూ. 1000 కోట్లు ప్రకటించింది. వరల్డ్ ట్రేడ్ సెంటర్ ఫ్యూచర్ సిటీ కోసం వాక్-టు-వర్క్ ఇన్నోవేషన్ హబ్ కోసం 1,000 కోట్లు. ఎవ్రెన్ / యాక్సిస్ ఎనర్జీ పెద్ద సౌర , పవన ప్రాజెక్టులకు ₹31,500 కోట్లు కట్టుబడి ఉన్నామని తెలిపింది.