Heart Disease : ప్రస్తుతం దేశంలో గుండె సంబంధిత వ్యాధులు వేగంగా పెరుగుతున్నాయి. చిన్న వయసు పిల్లల నుంచి పెద్దల వరకు హఠాత్తుగా గుండెపోటుకు గురై ప్రాణాలు కోల్పోతున్న ఘటనలు అధికంగా కనిపిస్తున్నాయి. ఇలాంటి పరిస్థితుల్లో గుండె ఆరోగ్యాన్ని మెరుగుపరచుకోవడంపై ప్రతి ఒక్కరూ ప్రత్యేక శ్రద్ధ తీసుకోవాల్సిన అవసరం ఉంది. ఈ క్రమంలో గుండె ఆరోగ్యాన్ని (Heart Disease) బలోపేతం చేసే సహజమైన ఆహారపు పదార్థాల్లో బీట్రూట్ జ్యూస్ను చేర్చుకోవడం ప్రయోజనకరమని తాజా పరిశోధనలు సూచిస్తున్నాయి.
Heart Disease – బీట్రూట్ జ్యూస్ ప్రభావం ఏమిటి?
ఇంగ్లాండ్లోని యూనివర్శిటీ ఆఫ్ ఎక్సెటర్కి చెందిన శాస్త్రవేత్తలు 70 ఏళ్ల వయసున్న వ్యక్తులపై ఓ పరిశోధన నిర్వహించారు. వారి రోజువారీ డైట్లో బీట్రూట్ జ్యూస్ చేర్చారు. కొన్ని రోజులలోనే వారి బ్లడ్ ప్రెజర్ స్థిరంగా మారింది. గుండె పనితీరు (Heart Disease) మెరుగైంది, అని పరిశోధకులు తెలిపారు.
బీట్రూట్లో ఉన్న నైట్రేట్ మేలులు
Related Post
బీట్రూట్ జ్యూస్లో నైట్రేట్ల పరిమాణం అధికంగా ఉంటుంది. శరీరంలోకి వెళ్లిన తరువాత, అవి నైట్రిక్ ఆక్సైడ్గా మారి రక్తనాళాలను విస్తరింపజేస్తాయి. దీని వలన:
- బీపీ తగ్గుతుంది
- రక్త ప్రవాహం మెరుగవుతుంది
- గుండెపై ఒత్తిడి తగ్గుతుంది
ఇది గుండె జబ్బులు వచ్చే అవకాశాన్ని గణనీయంగా తగ్గించగలదని పరిశోధకులు అభిప్రాయపడుతున్నారు.
యువతకు కూడా ఉపయోగకరం
ఈ ప్రయోజనాలు కేవలం వృద్ధులకే కాదు, యువతకూ లభిస్తాయని పరిశోధనలో వెల్లడైంది. బీట్రూట్ జ్యూస్ తాగడం వల్ల నోటిలో, కడుపులో గుడ్ బ్యాక్టీరియా పెరుగుతాయని పేర్కొన్నారు. ఇది జీర్ణవ్యవస్థకు, ఇమ్మ్యూనిటీకి కూడా మేలు చేస్తుంది.
తీరే మార్గం – ఆరోగ్యకరమైన అలవాట్లు
ఈ నేపథ్యంలో వైద్య నిపుణులు సూచించేది – ఆరోగ్యకరమైన ఆహారపు అలవాట్లను, ముఖ్యంగా బీట్రూట్ వంటి సహజపదార్థాల వినియోగాన్ని ప్రోత్సహించడం. ఇది:
- గుండె ఆరోగ్యాన్ని కాపాడుతుంది
- బీపీ నియంత్రణలో ఉంచుతుంది
- రక్తనాళాలకు సహాయపడుతుంది
- మొత్తం శరీర ఆరోగ్యాన్ని మెరుగుపరుస్తుంది
ప్రతి ఒక్కరూ గుండె ఆరోగ్యంపై శ్రద్ధ తీసుకుని, జీవనశైలిలో చిన్న మార్పులు చేసుకుంటే, కార్డియాక్ అరెస్టుల బారిన పడే ప్రమాదం గణనీయంగా తగ్గించవచ్చు. బీట్రూట్ జ్యూస్ లాంటి సహజ ఆహారాలు దీని కోసం మంచి ప్రారంభం కావొచ్చని నిపుణులు చెబుతున్నారు.
Also Read : Dragon Fruit Interesting Facts : డ్రాగన్ ఫ్రూట్ వల్ల ఆడవాళ్లకు ఎన్ని పోషకాలు సమకూరుతాయో తెలుసా?
