Chiranjeevi : హైదరాబాద్ – కోట్లాది మంది అభిమానులను కలిగిన మెగాస్టార్ చిరంజీవి (Chiranjeevi) పుట్టిన రోజు ఇవాళ. ఆగస్టు 22తో ఆయన 70 ఏళ్లు పూర్తి చేసుకున్నాడు. తెలుగు చలన చిత్ర పరిశ్రమలో స్వయంకృషితో ఎదిగాడు. ఆయనను స్పూర్తిగా తీసుకుని వేలాది మంది ప్రభావితం అయ్యారు. ఈ సందర్బంగా సినీ ప్రముఖులు, వ్యాపార, వాణిజ్య, రాజకీయ, క్రీడా రంగాలకు చెందిన వారు శుభాకాంక్షలు తెలిపారు. సరిగ్గా ఇదే రోజు 1955లో ఏపీలో పుట్టారు. తన తండ్రి కానిస్టేబుల్. తనకు సోదరులు పవన్ కళ్యాణ్, నాగబాబు. కొడుకు రామ్ చరణ్ తేజ. అంతా సినీ రంగానికి చెందిన వారే. చిరంజీవి అసలు పేరు కొణిదల శివ శంకర్ ప్రసాద్.
Chiranjeevi Birthday Today
సినిమాల్లోకి వచ్చాక చిరంజీవిగా పేరు పొందాడు. ప్రేమగల వాతావరణంలో పెరిగాడు, తన తాతా మామలచే పెంచబడ్డాడు. తండ్రి కానిస్టేబుల్ కావడంతో తరచుగా బదిలీలు చేయడం వల్ల కుటుంబం ఒక ప్రదేశం నుండి మరొక ప్రదేశానికి మారవలసి వచ్చింది. దీంతో పలు బడులలో చదివాడు. వై.ఎన్. కళాశాల నుండి పట్టభద్రుడయ్యాక, చిరంజీవి మద్రాస్ ఫిల్మ్ ఇన్స్టిట్యూట్లో చేరాడు. చిరంజీవి తల్లి హనుమంతుని భక్తురాలు. చిరంజీవి అంటే అమరుడు, శాశ్వతంగా జీవిస్తాడనే హనుమంతుడి నమ్మకాన్ని సూచిస్తుంది.
కాగా చిరంజీవి తన సినీ జీవితాన్ని 1979లో ప్రారంభించాడు. తన తొలి చిత్రం ప్రాణం ఖరీదు. 1982 నుండి ‘ఇంట్లో రామయ్య వీధిలో కృష్ణయ్య’ చిత్రంతో ప్రధాన పాత్రలలో కనిపించడం ప్రారంభించాడు. ఆ తర్వాత చిరంజీవి తన స్వయంకృషి చిత్రానికి ఉత్తమ నటుడిగా తన మొదటి నంది అవార్డును అందుకున్నాడు. 2008 నుండి చిరంజీవి సుమారు 10 సంవత్సరాలు విరామం తీసుకున్నారు. కేవలం అతిధి పాత్రలకే పరిమితం అయ్యారు. ఆ తర్వాత చిరంజీవి 2017లో ఖైదీ నంబర్ 150తో తిరిగి వచ్చారు. అప్పటి నుండి వరుసగా హిట్లు కొడుతూనే ఉన్నారు.
Also Read : Telangana Dusshera Holidays Interesting : దసరా పండుగ సెలవులు 13 రోజులు