GST : వస్తువులు, సేవల పన్ను (GST)లో చేసిన భారీ సంస్కరణలు సోమవారం నుంచి అమల్లోకి వచ్చాయి. సుమారు 375 వస్తువులపై జీఎస్టీ రేటు తగ్గడంతో కిచెన్ అవసరాలు నుంచి ఎలక్ట్రానిక్స్, ఔషధాలు, వాహనాల వరకు ధరలు గణనీయంగా తగ్గాయి.
ప్రధానమంత్రి నరేంద్ర మోడీ ఈ సంస్కరణలను “GST బచత్ ఉత్సవం”గా అభివర్ణించారు. “ఇది పేదలు, మధ్యతరగతి, నూతన మధ్యతరగతికి ఉపశమనం కలిగించే సంస్కరణ” అని ఆయన ప్రజలకు ఉద్దేశించి ప్రసంగించారు.
GST – వినియోగదారులకు లాభాలు
- దినసరి అవసరాలు: కిరాణా బిల్లుల్లో 13% వరకు తగ్గింపు.
- చిన్న కార్లు: కొనుగోలులో ₹70,000 వరకు ఆదా.
- స్టేషనరీ, దుస్తులు, ఔషధాలు: 7–12% వరకు తగ్గింపు.
- లైఫ్ & హెల్త్ ఇన్సూరెన్స్: పూర్తిగా జీఎస్టీ మినహాయింపు.
- ట్రాక్టర్లు (≤1800 cc): ₹40,000 వరకు ఆదా.
- బైక్/స్కూటర్లు (≤350 cc): ₹8,000 వరకు ఆదా.
- టీవీలు (32 అంగుళాలకు పైగా): ₹3,500 వరకు తగ్గింపు.
- ఎయిర్ కండీషనర్లు: ₹2,800 వరకు ఆదా.
రాజకీయ స్పందనలు
Related Post
- కాంగ్రెస్: ఈ సంస్కరణలు “ఎనిమిదేళ్లకు ఆలస్యంగా వచ్చాయి” అని విమర్శించింది. లాభాలు వినియోగదారులకు చేరతాయా అన్న అనుమానం వ్యక్తం చేసింది.
- మమతా బెనర్జీ: పశ్చిమ బెంగాల్కు ₹20,000 కోట్లు నష్టం జరుగుతుందని, కేంద్రమే బాధ్యత వహించాలన్నారు.
- రేవంత్ రెడ్డి: తెలంగాణకు ఐదేళ్లపాటు నష్టపరిహారం చెల్లించాలని కేంద్రాన్ని డిమాండ్ చేశారు.
ఇతర నేతల వ్యాఖ్యలు
- యోగి ఆదిత్యనాథ్: “ఇది ప్రజలకు దీపావళి కానుక. వినియోగశక్తి పెరిగి, ఉత్పత్తి, ఉపాధి పెరుగుతుంది” అన్నారు.
- అశ్వినీ వైష్ణవ్: పన్ను తగ్గింపుతో ప్రజల్లో ఆనంద తరంగం అలుముకుందని చెప్పారు.
పరిశ్రమలకు లాభాలు
- బొగ్గు రంగంలో ఇన్పుట్ ట్యాక్స్ క్రెడిట్ లోపాలను తొలగించేందుకు జీఎస్టీ రేట్లను సమన్వయం చేశారు.
Also Read : Auto News Interesting : జీఎస్టీ మార్పుల తర్వాత భారీగా ధరలు తగ్గిన కార్లు ఇవే
