Google : ఐటీ రంగంలో ఉద్యోగాల కోతలు కొనసాగుతున్నాయి. ముఖ్యంగా ఆర్టిఫిషియల్ ఇంటెలిజెన్స్ (ఏఐ) విస్తరణ తరువాత ఈ ధోరణి మరింత వేగం పుంజుకుంది. ఇప్పటికే పెద్ద ఎత్తున ఉద్యోగులు ఆందోళనలో ఉన్న వేళ, ప్రముఖ ఐటీ సంస్థ గూగుల్ (Google) తాజాగా మరోసారి ఉద్యోగులను తొలగించింది.
Google Huge Layoffs
CNBC నివేదిక ప్రకారం, డిజైన్ సంబంధిత విభాగాల్లో పనిచేస్తున్న 100 మందికి పైగా ఉద్యోగులను గూగుల్ ఈ వారం తొలగించింది. క్లౌడ్ డివిజన్లోని “పరిమాణాత్మక వినియోగదారు అనుభవ పరిశోధన” మరియు “ప్లాట్ఫామ్, సేవా అనుభవం” విభాగాలతో పాటు కొన్ని ఇతర విభాగాలు కూడా ఈ ఉద్యోగ కోతల బారిన పడ్డాయి.
ఈ ఉద్యోగాలు సాధారణంగా వినియోగదారుల ప్రవర్తనపై అధ్యయనం చేసి, డేటా, సర్వేలు, పరిశోధనల ఆధారంగా ఉత్పత్తి రూపకల్పనకు మార్గనిర్దేశం చేసే కీలకమైనవి. అయితే, నివేదికల ప్రకారం కొన్ని క్లౌడ్ డిజైన్ బృందాలు దాదాపు సగానికి తగ్గించబడ్డాయి. ముఖ్యంగా అమెరికాలోని ఉద్యోగులపై ఈ కోతలు ఎక్కువగా ప్రభావం చూపాయి.
ప్రభావిత ఉద్యోగులకు గూగుల్ డిసెంబర్ ప్రారంభం వరకు ప్రత్యామ్నాయ ఉద్యోగాలను వెతికే అవకాశం ఇచ్చింది. అదే కంపెనీలో వేరే పోస్టులు దొరికితే వారు కొనసాగవచ్చు, లేదంటే ఉద్యోగం కోల్పోవాల్సిందే.
సంస్థ పునర్నిర్మాణ చర్యల్లో భాగంగా ఈ ఉద్యోగాల కోతలు చేపడుతున్నట్లు గూగుల్ తెలిపింది. మరోవైపు, ఏఐ రంగంలో పెట్టుబడులను పెంచుతున్న గూగుల్, ఖర్చులను తగ్గించి, వృద్ధికి మరింత కీలకమైన రంగాలపై దృష్టి పెట్టాలని లక్ష్యంగా పెట్టుకుంది.
Also Read : Today Gold Price : పసిడి ప్రియులకు పండగలాంటి వార్త
