హైద‌రాబాద్ : మాట‌ల మాంత్రికుడు , ప్రముఖ ద‌ర్శ‌కుడు త్రివిక్రమ్ శ్రీనివాస్ ఆస‌క్తిక‌ర వ్యాఖ్య‌లు చేశారు. తన త‌దుప‌రి మూవీ పై కీల‌క అప్ డేట్ ఇచ్చారు. ఇదిలా ఉండ‌గా గాడ్ ఆఫ్ వార్ పై క్లారిటీ ఇచ్చారు. దాదాపు స్క్రిప్ట్ వర్క్ పూర్తయిందని చెప్పారు. ప్రస్తుతం జూనియ‌ర్ ఎన్టీఆర్ ప్రశాంత్ నీల్ డ్రాగన్ చిత్రంతో బిజీగా ఉన్నారు . ఈ ఏడాది చివరిలోగా దాని షూటింగ్ పూర్తి చేస్తారని భావిస్తున్నారు. మల్లీశ్వరి, జల్సా ,అంతర్తింటికి దారేది వంటి కుటుంబ కథా చిత్రాలను అందించడంలో నిష్ణాతుడైన ప్రముఖ దర్శకుడిగా పేరు పొందారు త్రివిక్రమ్ శ్రీనివాస్, తన విశిష్టమైన కెరీర్‌లో మొదటిసారిగా యుద్ధ ప్రధానమైన చిత్రాన్ని చేయడానికి సిద్ధమవుతున్నారు. ఇటీవల ఒక ఇంటర్వ్యూలో తాను ఎన్టీఆర్‌కు స్క్రిప్ట్ వినిపించినట్లు త్రివిక్రమ్ వెల్లడించారు. ఆయన పూర్తిగా గాడ్ ఆఫ్ వార్ పై దృష్టి పెడతారు. ఇది ఒక పౌరాణిక చిత్రంగా ప్రచారం చేయబడుతోంది,
ఇందులో ఎన్టీఆర్ మురుగన్ దేవుడి ప్రధాన పాత్రను పోషిస్తున్నారు. స్క్రిప్ట్ వర్క్ దాదాపుగా పూర్తయిందని , వెంటనే ప్రీ-ప్రొడక్షన్ పనులను ప్రారంభిస్తానని కూడా ఆయన ధృవీకరించారు. ప్రస్తుతం ఎన్టీఆర్ ప్రశాంత్ నీల్ దర్శకత్వంలో తెరకెక్కుతున్న ‘డ్రాగన్’ చిత్రంతో బిజీగా ఉన్నారు . ఈ ఏడాది చివరిలోగా ఆ షూటింగ్‌ను పూర్తి చేస్తారని భావిస్తున్నారు. అది పూర్తయ్యాక ‘గాడ్ ఆఫ్ వార్’ కోసం ఎన్టీఆర్ మేకోవర్ చేయించు కోవాల్సి ఉంది. ఈ పౌరాణిక చిత్రం షూటింగ్ వచ్చే ఏడాది వేసవిలో ప్రారంభం కావచ్చు. ‘గాడ్ ఆఫ్ వార్’ త్రివిక్రమ్ నుండి వస్తున్న మొదటి పాన్-ఇండియన్ ప్రయత్నం ,దీనిని భారీ బడ్జెట్‌తో ప్లాన్ చేస్తున్నారు. హారిక అండ్ హాసిన్ క్రియేషన్స్ ఈ చిత్రానికి నిర్మాతలు. , ఫ్యాక్షన్ ఆధారిత చిత్రం ‘అరవింద సమేత’తో ఎన్టీఆర్ , త్రివిక్రమ్ విజయం అందుకున్నారు. దైవకేంద్రిత సాహస చిత్రం కోసం మరోసారి చేతులు కలపడానికి సిద్ధమవుతున్నారు.
