India : విదేశీ ప్రయాణాలు చేయాలంటే పాస్పోర్ట్ తప్పనిసరి. అయితే పాస్పోర్ట్ దరఖాస్తు, ధృవీకరణ, భద్రత, నకిలీ పాస్పోర్ట్ల సమస్యలను తగ్గించడానికి కేంద్ర ప్రభుత్వం ఇప్పుడు డిజిటల్ పాస్పోర్ట్ (E-Passport) సేవలను ప్రారంభించింది. ఈ కొత్త వ్యవస్థ పాస్పోర్ట్ భద్రతను మరింత బలపరచడం, ప్రయాణికుల డేటాను రక్షించడం, విదేశీ ప్రయాణాలను సులభతరం చేయడమే లక్ష్యంగా తీసుకొచ్చింది.
India – ఎలక్ట్రానిక్ చిప్ టెక్నాలజీతో భద్రతా మెరుగుదల
ఈ ఇ–పాస్పోర్ట్ సంప్రదాయ పేపర్ పాస్పోర్ట్లానే ఉంటుంది, కానీ ఇందులో ఒక ఎలక్ట్రానిక్ చిప్ అమర్చబడింది. చిప్లో ప్రయాణికుడి వ్యక్తిగత సమాచారం, బయోమెట్రిక్ డేటా, పాస్పోర్ట్ వివరాలు నిల్వ ఉంటాయి. ఇది రేడియో ఫ్రీక్వెన్సీ ఐడెంటిఫికేషన్ (RFID) టెక్నాలజీతో అనుసంధానమై ఉంటుంది.
ఈ చిప్ ద్వారా విమానాశ్రయాల్లో అథెంటికేషన్ ప్రక్రియ వేగంగా, సులభంగా జరుగుతుంది. పాస్పోర్ట్లో మార్పులు చేయడం లేదా నకిలీ పాస్పోర్ట్లను తయారు చేయడం దాదాపు అసాధ్యం అవుతుంది.
ఇ–పాస్పోర్ట్ దరఖాస్తు విధానం
- ముందుగా అధికారిక వెబ్సైట్ passportindia.gov.in
లేదా mPassport Seva App లో రిజిస్ట్రేషన్ చేయాలి. - రిజిస్టర్ అయిన తర్వాత లాగిన్ అయ్యి “New Passport / Reissue” ఎంపికను ఎంచుకోవాలి.
- అవసరమైన వివరాలు నమోదు చేసి, ఫీజును ఆన్లైన్లో చెల్లించాలి.
- అపాయింట్మెంట్ తేదీని బుక్ చేసుకుని, రసీదును ప్రింట్ తీసుకోవాలి లేదా PDFగా సేవ్ చేసుకోవాలి.
- అపాయింట్మెంట్ రోజున ఒరిజినల్ డాక్యుమెంట్లతో సమీప పాస్పోర్ట్ సేవా కేంద్రం లేదా పోస్ట్ ఆఫీస్ పాస్పోర్ట్ సేవా కేంద్రంకు హాజరుకావాలి.
- ధృవీకరణ పూర్తయిన తర్వాత, కొత్త ఇ–పాస్పోర్ట్ మీ రిజిస్టర్డ్ చిరునామాకు పంపబడుతుంది.
ప్రస్తుతం అందుబాటులో ఉన్న నగరాలు
ప్రస్తుతం ఈ సేవలు హైదరాబాద్, ఢిల్లీ, చెన్నై, గోవా, నాగ్పూర్, భువనేశ్వర్, జమ్ము, సిమ్లా, రాయ్పూర్, అమృత్సర్, జైపూర్, సూరత్, రాంచీ వంటి నగరాల్లో ప్రారంభించబడ్డాయి. త్వరలోనే దేశవ్యాప్తంగా అన్ని పాస్పోర్ట్ కేంద్రాల్లో ఈ సదుపాయం అందుబాటులోకి రానుంది.
ప్రయోజనాలు
- పాస్పోర్ట్ డేటా భద్రత మెరుగుదల
- నకిలీ పాస్పోర్ట్లకు అడ్డుకట్ట
- విమానాశ్రయాల్లో వేగవంతమైన అథెంటికేషన్
- ప్రయాణికులకు సౌకర్యవంతమైన ప్రాసెస్
డిజిటల్ పాస్పోర్ట్ ప్రారంభంతో భారత్ మరో దశ ముందుకెళ్లిందని నిపుణులు అభిప్రాయపడుతున్నారు. ఈ వ్యవస్థతో భవిష్యత్తులో అంతర్జాతీయ ప్రయాణాలు మరింత సురక్షితంగా, సమర్థవంతంగా మారనున్నాయి.
Also Read : IMF Raises India GDP Growth : IMF తాజా అంచనా: భారత GDP వృద్ధి రేటు 6.6%కు పెంపు
