భారతదేశంలోనే అతిపెద్ద ప్రైవేట్ రంగ రుణదాత HDFC బ్యాంక్కు దుబాయ్ ఇంటర్నేషనల్ ఫైనాన్షియల్ సెంటర్ (DIFC) బ్రాంచ్లో కొత్త కస్టమర్లను ఆన్బోర్డ్ చేయడంపై స్థానిక నియంత్రణ సంస్థ Dubai Financial Services Authority (DFSA) ఆంక్షలు విధించింది.
శుక్రవారం సాయంత్రం హెచ్డిఎఫ్సి బ్యాంక్ స్టాక్ ఎక్స్చేంజ్ ఫైలింగ్లో వెల్లడించిన వివరాల ప్రకారం, DFSA నుంచి వచ్చిన “డిసిజన్ నోటీసు”లో DIFC బ్రాంచ్ అందించిన కొన్ని ఫైనాన్షియల్ సర్వీసులకు సంబంధించిన ఉల్లంఘనలపై అభ్యంతరాలు ఉన్నాయని పేర్కొంది. ముఖ్యంగా, బ్రాంచ్లో ఆన్బోర్డ్ కాని కస్టమర్లకు సేవలు ఇవ్వడం, అలాగే DIFC బ్రాంచ్లో కస్టమర్ల ఆన్బోర్డింగ్ విధానాలపై ప్రశ్నలు లేవనెత్తినట్లు సమాచారం.
HDFC – DFSA నిర్ణయ ప్రభావం
- హెచ్డిఎఫ్సి బ్యాంక్ కొత్త కస్టమర్లను ఆన్బోర్డ్ చేయడం, కస్టమర్లను సేకరించడం (solicitation)పై తాత్కాలిక నిషేధం
- అయితే, ప్రస్తుత కస్టమర్లకు సేవలు కొనసాగించేందుకు అనుమతి
- DIFC బ్రాంచ్లో ప్రస్తుతం 1,489 ఖాతాదారులు (జాయింట్ అకౌంట్స్ సహా) ఉన్నట్లు బ్యాంక్ తెలిపింది
HDFC బ్యాంక్ స్పందన
బ్యాంక్ ప్రకటనలో, DFSA ఆదేశాలను పాటించేందుకు అవసరమైన చర్యలు ఇప్పటికే ప్రారంభించామని, త్వరితంగా సమస్యలను పరిష్కరించి, DFSA ఆందోళనలను నివారించేందుకు కట్టుబడి ఉన్నామని స్పష్టం చేసింది.
తాత్కాలిక ఆంక్షలు
ఈ నియంత్రణ చర్య DFSA లిఖితపూర్వకంగా రద్దు చేసే లేదా సవరించే వరకు కొనసాగుతుందని హెచ్డిఎఫ్సి బ్యాంక్ తెలిపింది.
స్టాక్ మార్కెట్ ప్రతిస్పందన
శుక్రవారం (సెప్టెంబర్ 26, 2025) బీఎస్ఈలో హెచ్డిఎఫ్సి బ్యాంక్ షేర్ 0.47% తగ్గి ₹945.15 వద్ద ముగిసింది. అదే సమయంలో బెంచ్మార్క్ సూచీ 0.90% పడిపోయింది.
Also Read : RBI Warning to Banks : మరణించిన కస్టమర్ల ఖాతా, లాకర్ క్లెయిమ్లపై కొత్త నిబంధనలు