BSNL : ఢిల్లీ – ఇండిపెండెన్స్ డే సందర్బంగా బీఎస్ఎన్ఎల్ (BSNL) సంచలన ప్రకటన చేసింది. సరికొత్తగా ఫ్రీడం ప్లాన్ విడుదల చేసింది. కేవలం ఒకే ఒక్క రూపాయితో 30 రోజుల వ్యాలిడిటీ, అపరిమిత కాలింగ్, రోజుకు 2 జీబీ డేటా, 100 మెసేజిలు, ఉచిత సిం కార్డు ఇవ్వనున్నట్లు తెలిపింది. ఎం.యన్.పి. వినియోగదారులకు కూడా ఈ ఆఫర్ వర్తిస్తుందని పేర్కొంది. కొత్త వినియోగదారులు తమ ప్రాంతంలో బీఎస్ఎన్ఎల్ నెట్వర్క్ను అనుభవించడానికి ఈ ఆఫర్ను సద్వినియోగం చేసుకోవచ్చు.
BSNL New Offer
ఇదిలా ఉండగా ప్రైవేట్ నెట్ వర్క్ లతో పోటీ పడేందుకు బీఎస్ఎన్ఎల్ ప్రయత్నం చేస్తోంది. ఇప్పటికే చవక ప్లాన్స్ తో పెద్ద ఎత్తున వినియోగదారులను చేర్చుకుంది. తాజాగా మరో సంచలన ప్రకటనతో ముందుకు వచ్చింది. కొత్త డిజిటల్ విప్లవానికి నాంది పలికింది. ప్రభుత్వ యాజమాన్యంలోని టెలికాం కంపెనీ ప్రైవేట్ టెలికాం ఆపరేటర్లతో పోటీ పడటానికి సిద్ధంగా ఉన్న అద్భుతమైన రూ.1 ప్లాన్ను ప్రారంభించింది.
స్వాతంత్ర్య దినోత్సవ వేడుకల్లో భాగంగా బీఎస్ఎన్ఎల్ ఈ కొత్త ప్లాన్ను ప్రకటించింది, దీని లక్ష్యం మరింత మంది వినియోగదారులను ఆకర్షించడం. తన అధికారిక X హ్యాండిల్లో ఈ ‘ఫ్రీడమ్ ఆఫర్’ను ఆవిష్కరించింది, వినియోగదారులు కేవలం రూ.1కి ‘నిజమైన డిజిటల్ స్వేచ్ఛ’ను అనుభవిస్తారని పేర్కొంది. ఈ ప్లాన్ 30 రోజుల చెల్లుబాటుతో వస్తుంది. కేవలం రూ.1 రీఛార్జ్తో, వినియోగదారులు ప్రతిరోజూ 2GB హై-స్పీడ్ డేటా, జాతీయ రోమింగ్తో సహా భారతదేశం అంతటా అపరిమిత కాలింగ్ , ప్రతిరోజూ 100 ఉచిత షార్ట్ సర్వీస్ మెస్సేజ్ స్ ను పొందవచ్చని తెలిపింది.
ఈ పరిమిత-కాల ఆఫర్ దేశంలోని అన్ని టెలికాం సర్కిల్లలో చెల్లుబాటు అవుతుంది. ఆగస్టు 1 నుండి ఆగస్టు 31 వరకు నడుస్తుంది.
Also Read : Minister Sridhar Babu Strong Comments : ఆరు గ్యారెంటీల అమలుపై ఫోకస్ – శ్రీధర్ బాబు