అమెరికా : ప్రముఖ ఐటీ సంస్థ అడోబ్ లో కీలక మార్పులు రానున్నాయి. అడోబ్ కస్టమర్ ఎక్స్పీరియన్స్ ఆర్కెస్ట్రేషన్ వ్యాపారం , ప్రపంచ వ్యాప్త ఫీల్డ్ ఆపరేషన్స్ ప్రెసిడెంట్ అయిన అనిల్ చక్రవర్తి ఈ ఏడాది డిసెంబర్ 1 నుంచి పూర్తి స్థాయిలో బాధ్యతలు చేపట్టనున్నారు. సంస్థ తదుపరి ప్రెసిడెంట్ గా, చీఫ్ ఎగ్జిక్యూటివ్ ఆఫీసర్గా బాధ్యతలు స్వీకరించి, డైరెక్టర్ల బోర్డులో చేరనున్నారని అడోబ్ సంస్థ ఈరోజు ప్రకటించింది. శాంతను నారాయణ్ ఎగ్జిక్యూటివ్ చైర్మన్ గా బాధ్యతలు స్వీకరించి, ఈ మార్పు సజావుగా జరిగేలా చూడటానికి , అడోబ్ కొనసాగుతున్న పరివర్తనకు మద్దతు ఇవ్వడానికి చక్రవర్తితో కలిసి పని చేస్తారని ప్రకటించారు.
కొత్త మార్కెట్ కేటగిరీలను, ప్రపంచ స్థాయి ఉత్పత్తులను సృష్టించడంలో మాకున్న ట్రాక్ రికార్డ్తో, అడోబ్ ముందున్న అవకాశాలు అపరిమితం అని పేర్కొంది. అనిల్ ఒక అనుభవజ్ఞుడైన పరివర్తనాత్మక నాయకుడని తెలిపింది. ఆయన విలువలు, నిజాయితీ తమ వ్యాపారంపై లోతైన పరిజ్ఞానంతో నాయకత్వం వహిస్తారని స్పష్టం చేసింది అడోబ్ . తమ విస్తృత శ్రేణి వినియోగదారులకు సేవలందించే, కేటగిరీని నిర్వచించే ఉత్పత్తులను నిర్మించి అందించడంలో ఆయనకు నిరూపితమైన రికార్డు ఉందని తెలిపింది. ఏఐ ఆధారిత యుగంలో అడోబి వృద్ధికి నాయకత్వం వహించడానికి అనిల్ చక్రవర్తి సరైన వ్యక్తి అని నేను పూర్తి విశ్వాసంతో ఉన్నానని, ఎగ్జిక్యూటివ్ ఛైర్మన్ గా కొత్త పాత్రలో తనతో కలిసి పని చేయడానికి ఎదురు చూస్తున్నాను అని అన్నారు.
ఎంపిక ప్రక్రియను పర్యవేక్షించిన ప్రత్యేక కమిటీకి నాయకత్వం వహించిన అడోబి లీడ్ ఇండిపెండెంట్ డైరెక్టర్ ఫ్రాంక్ కాల్డెరోని ఇలా అన్నారు. అడోబి వృద్ధిలో తదుపరి దశకు అనిల్ సరైన నాయకుడని బోర్డు ఏకగ్రీవంగా నిర్ణయించింది. గత ఆరున్నర సంవత్సరాలుగా ఆయన ఆవిష్కరణల ఆధారిత వృద్ధి, ప్రతిభను అభివృద్ధి చేయడం, నిలుపుకోవడం, అడోబి సంస్కృతి , విలువలను ముందుకు తీసుకు వెళ్లడం ద్వారా అడోబి కస్టమర్ ఎక్స్పీరియన్స్ ఆర్కెస్ట్రేషన్ వ్యాపారాన్ని, ప్రపంచ వ్యాప్త ఫీల్డ్ కార్యకలాపాలను విస్తరించారన్నారు. ఇదిలా ఉండగా ఈ కీలకమైన తరుణంలో అడోబ్కు నాయకత్వం వహించడానికి నన్ను ఎంపిక చేసినందుకు నేను చాలా గౌరవంగా భావిస్తున్నాను అని అనిల్ చక్రవర్తి అన్నారు. సృజనాత్మకత, ఉత్పాదకత. వినియోగదారుల అనుభవం కోసం ఏజెంటిక్ సాఫ్ట్వేర్ తదుపరి శకంలో వృద్ధిని వేగవంతం చేయడానికి , అడోబ్ నాయకత్వాన్ని ముందుకు నడిపించడానికి లభించిన ఈ అవకాశం నాకు ఎంతో ఉత్సాహాన్ని ఇస్తోందని అన్నారు.