Trump : మరోసారి సుంకాల మోత మోగిస్తూ, అమెరికా మాజీ అధ్యక్షుడు డొనాల్డ్ ట్రంప్ (Trump) కఠిన నిర్ణయాలు తీసుకున్నారు. ఇటీవల చేసిన ప్రకటనలో ట్రంప్ మెక్సికో, యూరోపియన్ యూనియన్ దేశాలపై 30 శాతం దిగుమతి సుంకాలు విధిస్తున్నట్టు వెల్లడించారు. ఈ కొత్త టారిఫ్లు ఆగస్టు 1 నుంచి అమల్లోకి రానున్నట్లు స్పష్టం చేశారు.
Trump Tariffs Sensational
ఇంతకుముందే జపాన్, దక్షిణ కొరియా దేశాలపై ఇప్పటికే 25 శాతం సుంకాలు ప్రకటించిన ట్రంప్ (Trump), ఆయా దేశాల ప్రభుత్వాలకు దీనిపై అధికారిక లేఖలు కూడా పంపించారు. వాణిజ్య లోటును తగ్గించేందుకు ఈ చర్యలు అవసరమని ట్రంప్ అభిప్రాయపడ్డారు. ముఖ్యంగా ఆటోమొబైల్, ఎలక్ట్రానిక్స్ రంగాల్లో అమెరికాకు ప్రతికూలంగా ఉన్న వాణిజ్య విధానాలపై ఆగ్రహం వ్యక్తం చేశారు.
90 రోజుల గడువు – ఒత్తిడికి నూతన రూపం
టారిఫ్లను మినహాయించేందుకు ఇచ్చిన 90 రోజుల గడువును ఆగస్టు 1 వరకు పొడిగించిన ట్రంప్, ఆలోగా చర్చలకు సిద్ధంగా ఉంటే సుంకాలపై పునరాలోచన చేస్తామని సూచించారు. అయితే చర్యలు తీసుకోకపోతే మరింత కఠినంగా వ్యవహరించనున్నట్లు సంకేతాలు పంపించారు.
బ్రిక్స్ దేశాలపై అదనపు దాడి – బ్రెజిల్పై 50% సుంకం
బ్రిక్స్కు చెందిన దేశాలు అమెరికా విధానాలకు వ్యతిరేకంగా వ్యవహరిస్తున్నాయన్న అభిప్రాయంతో, ట్రంప్ వాటిపై 10 శాతం అదనపు టారిఫ్ విధిస్తామని హెచ్చరించారు. అయితే బ్రెజిల్ విషయంలో మరింత తీవ్రంగా స్పందించారు. ఇటీవల జరిగిన బ్రిక్స్ సదస్సుకు ఆతిథ్యం ఇచ్చినందుకు, అలాగే మాజీ అధ్యక్షుడు బోల్సోనారో పై దాడులకు ప్రతిస్పందనగా 50 శాతం దిగుమతి సుంకం విధిస్తున్నట్లు ప్రకటించారు.
చైనా స్పందన – “సుంకాలతో బెదిరింపులు వద్దు”
ట్రంప్ నిర్ణయాలపై చైనా అధికారికంగా స్పందించింది. దేశాల మధ్య సంబంధాలను సుంకాల ద్వారా బలవంతంగా మలచే ప్రయత్నాలు విజయవంతం కావని, ఇవి అంతర్జాతీయ వాణిజ్యానికి ముప్పుగా మారతాయని హెచ్చరించింది. బెదిరింపులు కాకుండా సంప్రదింపుల ద్వారానే పరిష్కారం సాధ్యమని చైనా తెలిపింది.
Also Read : Today Gold Price : ఆకాశాన్నంటిన పసిడి ధరలు
