Jawan Super : అట్లీ కుమార్ ద‌ర్శ‌క‌త్వంలో బాలీవుడ్ బాద్ షా షారుక్ ఖాన్ , న‌య‌న‌తార క‌లిసి న‌టించిన జ‌వాన్ చిత్రం గురువారం ప్ర‌పంచ వ్యాప్తంగా విడుద‌లైంది. మేకింగ్, టేకింగ్ లో త‌న‌కంటూ ఓ స్పెష‌ల్ ఇమేజ్ క‌లిగిన ద‌ర్శ‌కుడు మ‌రోసారి త‌న స‌త్తా ఏమిటో చూపించాడు.
Jawan Super Trending
ప్ర‌త్యేకించి బాద్ షాను దృష్టిలో పెట్టుకుని సినిమా తీశాడు. షారుక్ ఖాన్ భార్య గౌరీ ఖాన్ జ‌వాన్(Jawan) ను రూ. 220 కోట్ల భారీ బ‌డ్జెట్ తో నిర్మించింది. యాక్ష‌న్, క్రైమ్, రొమాన్స్ , థ్రిల్ల‌ర్ క‌థాంశంగా తెర‌కెక్కించాడు. అనిరుధ్ ర‌విచంద‌ర్ అందించిన మ్యూజిక్ ఊహించ‌ని రీతిలో మ్యాజిక్ చేశాడు.
ఈ సినిమాకు బీజీఎం అద‌న‌పు ఆక‌ర్ష‌ణ‌గా నిలిచింది. ఈ సినిమా బ్లాక్ బ‌స్ట‌ర్ గా నిల‌వ‌డంలో ఎలాంటి అనుమానం అక్క‌ర్లేదంటున్నారు ఫ్యాన్స్. ఎక్క‌డ చూసినా చ‌ప్పట్లు, కేరింత‌ల‌తో హోరెత్తుతోంది జ‌వాన్. ఇందులో షారుక్ ఖాన్ ద్విపాత్రాభిన‌యం చేశాడు. ప్ర‌త్యేక పాత్ర‌లో దీపికా ప‌దుకొనే న‌టించింది.
ఇక త‌మిళ సూప‌ర్ స్టార్ విజ‌య్ సేతుప‌తి ప్ర‌తి నాయ‌కుడిగా మెప్పించాడు. న‌య‌న‌తార లుక్స్, దీపికా ప‌దుకొనే అందం , అట్లీ అద్భుత నైపుణ్యం జ‌వాన్ ను ఓ రేంజ్ లోకి తీసుకు వెళ్లేలా చేసింది. ఇప్ప‌టికే షారుక్ ఖాన్ న‌టించిన ప‌ఠాన్ రికార్డ్ బ్రేక్ చేసింది. ఏకంగా రూ. 1000 కోట్ల మార్క్ దాటేసింది. తాజాగా విడుద‌లైన జ‌వాన్ సైతం ఆ దిశ‌గా ప‌రుగులు తీయ‌డం ఖాయ‌మంటున్నారు ట్రేడ్ వ‌ర్గాలు.
Also Read : Niddhi Agarwal Vs Divya Bharathi