Oppenheimer: ప్రముఖ హాలీవుడ్ దర్శకుడు క్రిస్టోఫర్ నోలన్‌ తెరకెక్కించిన తాజా బయోగ్రాఫికల్‌ థ్రిల్లర్‌ ‘ఓపెన్హైమర్’. అణుబాంబు సృష్టికర్త డా జె.రాబర్ట్ ఓపెన్హైమర్ జీవితం ఆధారంగా తెరకెక్కించిన ఈ సినిమా… గతేడాది జూలై 21న ప్రపంచ వ్యాప్తంగా విడుదలై హాలీవుడ్ రీసెంట్‌ బ్లాక్‌బస్టర్‌ గా నిలిచింది. కేవలం 100 మిలియన్‌ డాలర్లతో నిర్మించిన ఈ సినిమా ప్రపంచ వ్యాప్తంగా 1000 మిలియన్‌ డాలర్లకు పైగా వసూళ్లు సాధించింది. సిలియన్ మర్ఫీ ప్రధాన పాత్రలో నటించిన ఈ సినిమా ఇప్పుడు అవార్డుల్లో తన సత్తా చాటుతోంది.
లండన్‌ లోని రాయల్‌ ఫెస్టివల్‌ హాల్‌ లో నిర్వహించిన 77వ బ్రిటిష్‌ అకాడమీ ఫిల్మ్‌ అవార్డుల (BAFTA) ప్రదానోత్సవంలో ‘ఓపెన్హైమర్(Oppenheimer)’ సినిమా తన సత్తా చాటింది. ఉత్తమ చిత్రంతో పాటు ఉత్తమ దర్శకుడు, ఉత్తమ నటుడు, ఉత్తమ సినిమాటోగ్రఫీ, ఉత్తమ స్కోర్‌ సహా మొత్తం ఏడు విభాగాల్లో బాఫ్టా అవార్డులను దక్కించుకుంది. దర్శకుడిగా క్రిస్టోఫర్ నోలన్‌ కు ఇదే తొలి BAFTA అవార్డు. ఇప్పటికే అత్యధిక గోల్డెన్‌ గ్లోబ్‌ అవార్డులు గెలుచుకున్న ‘ఓపెన్హైమర్’ వచ్చే నెల జరిగే ఆస్కార్‌ రేసులో తన స్థానాన్ని మరింత సుస్థిరం చేసుకుంది. ఈ 77వ బాఫ్టా అవార్డుల్లో ‘పూర్‌ థింగ్స్‌’కు అయిదు, ‘ది జోన్‌ ఆఫ్‌ ఇంట్రెస్ట్‌’కు మూడు పురస్కారాలు దక్కాయి.
Oppenheimer – 77వ బ్రిటిష్‌ అకాడమీ ఫిల్మ్‌ అవార్డుల (BAFTA) విజేతలు వీరే !
ఉత్తమ చిత్రం – ఓపెన్హైమర్
ఉత్తమ దర్శకుడు – క్రిస్టోఫర్ నోలన్‌ (ఓపెన్హైమర్)
ఉత్తమ నటుడు – సిలియన్ మర్ఫీ (ఓపెన్హైమర్)
ఉత్తమ నటి – ఎమ్మా స్టోన్‌ (పూర్‌ థింగ్స్‌)
ఉత్తమ సహాయ నటుడు – రాబర్ట్ డౌనీ జూనియర్‌ (ఓపెన్హైమర్)
ఉత్తమ సహాయ నటి – డావిన్‌ జాయ్‌ రాండాల్ఫ్‌ (ది హోల్డోవర్స్‌)
ఉత్తమ స్కోర్‌ – లుడ్విగ్ గోరాన్సన్ (ఓపెన్హైమర్)
ఉత్తమ సినిమాటోగ్రఫీ – హోట్‌ వాన్‌ హోటిమా (ఓపెన్హైమర్)
ఉత్తమ స్క్రీన్‌ప్లే – జస్టిన్‌ ట్రైట్‌, ఆర్థర్‌ హరారీ (అనాటమీ ఆఫ్‌ ఫాల్‌)
ఉత్తమ డాక్యుమెంటరీ – 20 డేస్‌ ఇన్‌ మరియోపోల్‌
ఉత్తమ క్యాస్టింగ్‌ – ది హోల్డోవర్స్‌
ఉత్తమ ఎడిటింగ్‌ – జెన్నీఫర్‌ లేమ్‌ (ఓపెన్హైమర్)
ఉత్తమ మేకప్‌ – నడియా స్టేసీ, మార్క్‌ కౌలియర్‌ (పూర్‌ థింగ్స్‌)
ఉత్తమ విజువల్‌ ఎఫెక్ట్స్‌ – సైమన్‌ హ్యూస్
ఉత్తమ సౌండ్‌ – జానీ బర్న్‌, టార్న్‌ విల్లర్స్‌ (ది జోన్‌ ఆఫ్‌ ఇంట్రెస్ట్‌)
Also Read : Director Shankar : అసిస్టెంట్ ని అల్లుణ్ణి చేసుకుంటున్న డైరెక్టర్ శంకర్