Varalakshmi Vratam : కర్ణాటక రాష్ట్రవ్యాప్తంగా వరమహాలక్ష్మి వ్రతాన్ని (Varalakshmi Vratam) ఈరోజు భక్తిశ్రద్ధలతో ఘనంగా నిర్వహించారు. వివిధ దేవాలయాల్లో ప్రత్యేక పూజలు, అలంకరణలు, హోమాలు, నైవేద్యాలతో అమ్మవారిని ఘనంగా సత్కరించారు. మహిళలు ఉదయం నుంచే వ్రతాన్ని ఆచరించి, కుటుంబ సుఖసమృద్ధులకు ప్రార్థనలు చేశారు.
ఈ సందర్భంగా మాండ్య జిల్లా శ్రీరంగపట్నంలోని చారిత్రాత్మక శ్రీ చాముండేశ్వరి దేవస్థానంలో ప్రత్యేక పూజలు నిర్వహించబడ్డాయి. దేవి ఈరోజు ధనలక్ష్మి రూపంలో భక్తులకు దర్శనమిచ్చింది. ఆలయపు ప్రధాన ఆలంకరణగా రూ.4.5 లక్షల విలువైన కరెన్సీ నోట్లతో చేసిన అలంకరణ విశేషంగా ఆకట్టుకుంది.
Varalakshmi Vratam – రూ.4.5 లక్షల నోట్లతో అమ్మవారికి ధనలక్ష్మి అలంకరణ
ప్రత్యేక ఆకర్షణగా నిలిచిన ఈ అలంకరణను కళాకారుడు సందేశ్ కళావిడ్ తన బృందంతో కలసి రూపొందించాడు. రూ.10, రూ.20, రూ.50, రూ.100, రూ.200 మరియు రూ.500 నోట్లతో భక్తి కలగలిపిన కళాత్మకతతో ఆలయాన్ని శోభాయమానంగా తీర్చిదిద్దారు. ఈ అలంకరణ సంపదకు చిహ్నంగా భావించే ధనలక్ష్మి రూపాన్ని ప్రతిబింబించిందని ఆలయ పూజారులు తెలిపారు.
ఉదయం నుంచే ఆలయంలో భక్తులు భారీగా తరలివచ్చి అమ్మవారి దర్శనం చేసుకున్నారు. వరలక్ష్మీ వ్రతాన్ని పురస్కరించుకుని మహిళలు ప్రత్యేకంగా పూజలు నిర్వహించడంతో ఆలయం పుణ్యక్షేత్రంగా మారింది.
చారిత్రాత్మక ప్రాధాన్యత కలిగిన శ్రీ చాముండేశ్వరి ఆలయం
శ్రీరంగపట్నంలోని ఈ దేవాలయం కేవలం ఆధ్యాత్మిక కేంద్రమే కాదు, చారిత్రాత్మక ప్రాముఖ్యత కూడా కలిగి ఉంది. ఇది దుర్గాదేవి రూపమైన చాముండేశ్వరి దేవికి అంకితం చేయబడిన ప్రముఖ ఆలయంగా వెలుగొందుతోంది. పురాణాల ప్రకారం, ఈ ఆలయ ప్రస్తావన స్కంద పురాణం లాంటి ప్రాచీన గ్రంథాల్లో కూడా ఉంది.
ఈ ఆలయం మైసూర్ వడయార్ రాజవంశంతో ప్రత్యేక అనుబంధం కలిగి ఉంది. రాజులు ఈ ఆలయాన్ని గౌరవంగా నిర్వహిస్తూ పలు నిర్మాణాలు చేశారు. రాజ గోపురం, ఆలయ ప్రాంగణంలోని శిల్ప కళా వైభవం భక్తులను మంత్ర్ముగ్ధులను చేస్తుంది. చాముండేశ్వరి అమ్మవారిని మైసూర్ రాజకుటుంబ సంరక్షక దేవతగా భావిస్తారు.
శక్తి పీఠంగా గుర్తింపు
అలాగే, ఈ దేవస్థానం శక్తి పీఠంగా కూడా పరిగణించబడుతుంది. కొంతమంది సంప్రదాయాల ప్రకారం, సతీదేవి వెంట్రుకలు పడిన ప్రదేశం ఇదేనని కూడా విశ్వసించబడుతుంది. ఈ విశ్వాసం ఆధారంగా ఈ ఆలయానికి ప్రాచీనతతో పాటు పవిత్రత కూడా పెరిగింది.
Also Read : Varalakshmi Vratam Effective : వరలక్ష్మి వ్రతం మీరు ఇలా చేశారంటే ఆ లక్ష్మీ కటాక్షం మీకే
