Toll Tax Free : దేశంలోని జాతీయ రహదారులపై ప్రయాణిస్తున్న వాహనదారులపై టోల్ చార్జీల భారం తగ్గించేందుకు కేంద్ర ప్రభుత్వం కీలకమైన నిర్ణయం తీసుకుంది. “జిత్నీ దూరీ, ఉత్నా టోల్” అనే నూతన విధానాన్ని అమలులోకి తీసుకువచ్చింది. ఈ విధానం ప్రకారం టోల్ ప్లాజా (Toll Tax Free) పరిధిలో 20 కిలోమీటర్లలోపు నివసించే వాహనదారులు నెలవారీ పాస్తో టోల్ ఛార్జీల నుండి మినహాయింపు పొందవచ్చు.
Toll Tax Free Updates
ఈ చర్య జూలై 2024 నుండి పైలట్ ప్రాజెక్టుగా కొన్ని జాతీయ రహదారులపై ప్రారంభమైంది. త్వరలోనే దేశవ్యాప్తంగా అమలు చేసే లక్ష్యంతో ప్రభుత్వం ముందుకు సాగుతోంది.
వివరాలు ఇలా ఉన్నాయి:
- టోల్ ప్లాజా చుట్టూ 20 కి.మీ పరిధిలో నివసించే వారు రూ. 340 చెల్లించి నెలవారీ పాస్ పొందవచ్చు.
- ఈ పాస్ ద్వారా వారు నెలలో ఎన్నిసార్లు కావాలంటే అంతసార్లు టోల్ గేట్ దాటి ప్రయాణించవచ్చు.
- టోల్ చార్జీలు వారి FASTag ఖాతా నుండి మినహాయించబడవు.
- ఈ సౌకర్యం ప్రయివేట్ వాహనాలకు మాత్రమే వర్తించనుంది. వాణిజ్య వాహనాలకు ఇది అమలులో ఉండదు.
పాస్ పొందేందుకు అవసరమైన పత్రాలు:
- నివాసాన్ని నిరూపించే పత్రాలు (ఆధార్ కార్డు/వోటర్ ID/విద్యుత్ బిల్లు)
- వాహన రిజిస్ట్రేషన్ సర్టిఫికేట్ (RC)
- చెల్లుబాటు అయ్యే FASTag అకౌంట్
- అవసరమైతే పాస్పోర్ట్ సైజు ఫోటో
వాహనదారులు తమకు సమీపంలోని టోల్ ప్లాజా పరిపాలనా కార్యాలయాన్ని సందర్శించి దరఖాస్తు ఫారమ్ పూరించాలి. సంబంధిత పత్రాలను జత చేసి, రూ. 340 రుసుము చెల్లించాల్సి ఉంటుంది. దరఖాస్తు ఆమోదించబడిన తర్వాత పాస్ జారీ చేయబడుతుంది లేదా FASTagలో డిజిటల్గా అప్డేట్ అవుతుంది.
ప్రభుత్వ లక్ష్యం:
ఈ విధానం ద్వారా ప్రజలకు ప్రయాణంలో భారం తగ్గించడంతో పాటు, టోల్ ప్లాజాల పరిధిలో నివసించే వారికీ న్యాయం చేయాలనే లక్ష్యంతో ప్రభుత్వం ముందుకు వెళ్తోంది. GPS ఆధారిత GNSS ట్రాకింగ్ సాంకేతికత ఆధారంగా ఈ వ్యవస్థను అమలు చేస్తోంది.
Also Read : Gold silver Price Today : పసిడి ధరలపై కొంత ఊరట