Gold : తెలుగురాష్ట్రాల్లో బంగారం ధరలు మళ్లీ పెరుగుదల బాట పట్టాయి. తాజాగా 24 క్యారెట్ల స్వచ్ఛమైన బంగారం ధర లక్ష రూపాయల స్థాయికి చేరువవుతోంది. గత ఏప్రిల్లో ఈ రేటు లక్ష రూపాయలని తాకగా, అనంతరం అంతర్జాతీయ మార్కెట్లో తగ్గుదల కారణంగా ధరలు కొంతకాలం తగ్గాయి. జూన్ చివర్లో అయితే 24 క్యారెట్ల బంగారం ధర ₹94,000 వరకూ పడిపోయింది. కానీ ప్రస్తుతం పరిస్థితులు తిరిగి మారిపోతున్నాయి.
Gold – ప్రస్తుతం హైదరాబాద్లో బంగారం ధరలు ఇలా ఉన్నాయి:
- 24 క్యారెట్లు (10 గ్రాములు): ₹99,710
- 22 క్యారెట్లు (10 గ్రాములు): ₹91,400
- 18 క్యారెట్లు (10 గ్రాములు): ₹74,790
ఈ ధరలు నిన్నటితో పోలిస్తే ఎలాంటి మార్పు లేకుండా కొనసాగుతున్నాయి. కానీ గత రెండు వారాలలోనే పెరిగిన రేట్లు వినియోగదారులను ఆందోళనలోకి నెట్టేశాయి, ముఖ్యంగా పెళ్లిళ్ల సీజన్ను ముందుగా ఊహిస్తున్న కుటుంబాలకైతే ఇది బడ్జెట్లో గందరగోళం తీసుకొచ్చే అంశంగా మారుతోంది.
వెండి ధరలు స్థిరంగా కొనసాగుతున్నాయి
బంగారంతో పోల్చుకుంటే వెండి ధరలు పెద్దగా మార్పు లేకుండా కొనసాగుతున్నాయి. ప్రస్తుతం హైదరాబాద్ మార్కెట్లో:
- 100 గ్రాముల వెండి ధర: ₹12,500
- 1 కిలో వెండి ధర: ₹1,25,000
ధరలపై నిత్యం గమనిక ఉంచే వినియోగదారులు, వ్యాపారులు వీటిని దృష్టిలో ఉంచుకొని కొనుగోలు నిర్ణయాలు తీసుకోవడం మేలుగా భావిస్తున్నారు.
Also Read : Today Gold Price : పసిడి ప్రియులకు మరో షాక్
