హైద‌రాబాద్ : నేచురల్ స్టార్ నాని నటించిన యాక్షన్ డ్రామా ‘ది పారడైజ్’ ఇప్పుడు నెట్‌ఫ్లిక్స్‌లో అందుబాటులోకి వచ్చింది. ఈ చిత్రం అక్టోబర్ 22 న గురువారం నెట్‌ఫ్లిక్స్ వేదికగా తెలుగు, తమిళం, హిందీ, కన్నడ, మలయాళం అనే ఐదు భాషల్లో విడుదలైంది. శ్రీకాంత్ ఓదెల దర్శకత్వంలో తెరకెక్కిన ఈ చిత్రం థియేటర్లలో విడుదల కావడానికి ముందే భారీ అంచనాలను నెలకొల్పింది. అయితే, ప్రేక్షకుల నుంచి మిశ్రమ స్పందన లభించడంతో, చాలామంది దీని డిజిటల్ విడుదల కోసం వేచి చూశారు. ఇదిలా ఉండ‌గా థియేటర్ వెర్షన్‌తో పోలిస్తే నెట్‌ఫ్లిక్స్ వెర్షన్ నిడివి తక్కువగా ఉంటుందని చాలామంది భావించారు. అయితే ఈ చిత్రంలో కేవలం నాలుగు నిమిషాల నిడివిని మాత్రమే తొలగించినట్లు సమాచారం.
ఓటీటీ వెర్షన్‌లో చేసిన ఈ మార్పులకు ప్రేక్షకుల నుంచి ఎలాంటి స్పందన లభిస్తుందో, అలాగే ఇంట్లో కూర్చుని చూసే ప్రేక్షకులకు ఈ సినిమా ఏ మేరకు నచ్చుతుందో వేచి చూడాలి. ‘ది పారడైజ్’ చిత్రంలో నాని ప్రధాన పాత్రలో నటించగా, కయాదు లోహర్ కథానాయికగా కనిపించారు. వీరితో పాటు మోహన్ బాబు, రాఘవ్ జుయల్, సోనాలి కులకర్ణి, సంపూర్ణేష్ బాబు కీలక పాత్రల్లో నటించారు. మోహన్ బాబు , రాఘవ్ జుయల్ ప్రతినాయకులుగా (విలన్లుగా) నటించగా, సోనాలి కులకర్ణి నాని తల్లి పాత్రలో కనిపించారు. సంపూర్ణేష్ బాబు నాని స్నేహితుడిగా నటించారు. ఈ చిత్రాన్ని సుధాకర్ చెరుకూరి నిర్మించగా, అనిరుధ్ రవిచందర్ సంగీతం అందించారు.
