Tamil Govt : చెన్నై : కేంద్రంలోని మోదీ సర్కార్ కు వ్యతిరేకంగా తమిళనాడు సర్కార్ (Tamil Govt) మరో సంచలన నిర్ణయం తీసుకుంది. ఇప్పటికే తమ మీద హిందీ భాషను రుద్దితే ఒప్పుకోమంటూ ప్రకటించింది. తాజాగా హిందీ సినిమాలు, పాటలు, బోర్డులు, హోర్డింగ్ లను నిషేధించే బిల్లును ప్రవేశ పెట్టాలని నిర్ణయించారు సీఎం ఎంకే స్టాలిన్. ప్రస్తుత అసెంబ్లీ సమావేశాల చివరి రోజున ప్రవేశ పెట్టనున్నట్లు వెల్లడించారు. ప్రతిపాదిత బిల్లు సినిమాల్లో, బహిరంగ ప్రకటనలు, సైన్ బోర్డులలో హిందీని బహిరంగంగా , వాణిజ్య పరంగా ఉపయోగించడాన్ని నిషేధించడమే లక్ష్యంగా పెట్టుకుంది.
Tamil Govt Shocking
రాష్ట్ర ప్రభుత్వానికి నాయకత్వం వహిస్తున్న ముఖ్యమంత్రి ఎం.కె. స్టాలిన్ చాలా కాలంగా హిందీ విధించడం అని పిలిచే దానిని విమర్శించారు. తమిళం, ఆంగ్లం అనే రాష్ట్ర ద్విభాషా సూత్రాన్ని సమర్థించారు, ఇది విద్య, నైపుణ్యాల అభివృద్ధి, ఉపాధిలో తమిళనాడుకు బాగా ఉపయోగపడిందని వాదించారు. ఈ చర్య తమిళ సాంస్కృతిక, భాషా గుర్తింపును కాపాడు కోవడంపై కొత్త ప్రాధాన్యతను ప్రతిబింబిస్తుందని స్పష్టం చేశారు. తాజాగా తీసుకున్న ఈ నిర్ణయం కేంద్రాన్ని, బీజేపీని, దాని అనుబంధ పార్టీలను సమర్థించే వారికి ఝలక్ ఇచ్చేలా చేసింది.
హిందీని ఏకీకృత జాతీయ భాషగా ప్రోత్సహించడాన్ని పరిగణించే పార్టీలకు ఒక రకంగా చెంప చెళ్లుమనిపించేలా చేశారు స్టాలిన్. కాగా బిల్లు చట్ట పరమైన, ఆచరణాత్మక చిక్కుల గురించి ప్రశ్నలు మిగిలి ఉన్నాయి . అమలు విధానాలు, మినహాయింపులు, మీడియా, వాణిజ్యంపై ప్రభావం చూపించే అవకాశం ఉంది.
Also Read : Hydraa Shocking : రాజేంద్రనగర్ లో ఆక్రమణలను తొలగించిన హైడ్రా
