Stock Market : దేశీయ ఈక్విటీ మార్కెట్లు వరుసగా రెండో రోజూ దూకుడు ప్రదర్శించాయి. విదేశీ మదుపర్ల కొనుగోళ్ల పునరుద్ధరణ, త్వరలో వెలువడనున్న త్రైమాసిక ఫలితాలపై పెట్టుబడిదారుల ఆశలు మార్కెట్లకు (Stock Market) ఊతమిచ్చాయి. ఫైనాన్షియల్, ఆటో, ఎఫ్ఎంసీజీ రంగాల షేర్లు భారీ లాభాలను నమోదు చేయడంతో సెన్సెక్స్, నిఫ్టీ రెండూ గణనీయంగా పెరిగాయి.
Stock Market – సెన్సెక్స్ 862 పాయింట్లు ఎగసింది
బుధవారం ముగింపు (82,605)తో పోలిస్తే గురువారం మార్కెట్లు బలమైన ఆరంభం చూశాయి. ఉదయం నుంచే లాభాల ధోరణి కొనసాగి మధ్యాహ్నం తర్వాత మరింత ఊపందుకుంది. సెన్సెక్స్ ఒక దశలో వెయ్యి పాయింట్లకు పైగా పెరిగి 83,615 వద్ద ఇంట్రాడే గరిష్టాన్ని తాకింది. చివరికి 862 పాయింట్ల లాభంతో 83,467 వద్ద రోజును ముగించింది.
నిఫ్టీ కూడా బాటలోనే – 25,500 మార్క్ దాటింది
నిఫ్టీ కూడా సెన్సెక్స్ దిశలోనే కదిలి 261 పాయింట్ల లాభంతో 25,585 వద్ద ముగిసింది. మళ్లీ 25,500 స్థాయికి పైనే నిలిచింది. మిడ్క్యాప్ మరియు బ్యాంకింగ్ షేర్ల ర్యాలీ నిఫ్టీకి బలాన్నిచ్చింది.
లాభాల్లో ముగిసిన షేర్లు
ఒబెరాయ్ రియాల్టీ, సయింట్, నెస్ట్లే, సోనా బీఎల్డబ్ల్యూ, వరుణ్ బేవరేజెస్ వంటి షేర్లు గణనీయమైన లాభాలు సాధించాయి. మరోవైపు కేఈఐ ఇండస్ట్రీస్, మ్యాక్స్ ఫైనాన్షియల్, డెలివరీ, హెచ్డీఎఫ్సీ లైఫ్, ఎమ్సీఎక్స్ ఇండియా వంటి షేర్లు స్వల్ప నష్టాలతో ముగిశాయి.
రూపాయి విలువ స్థిరంగా
విదేశీ మారకంలో రూపాయి డాలర్తో పోలిస్తే ₹87.82 వద్ద స్థిరంగా ఉంది.
Also Read : Aadhaar Interesting Update : ఆధార్ అప్డేట్కి ఉచిత సదుపాయం – UIDAI కీలక నిర్ణయం