హైద‌రాబాద్ : జాన్వీ కపూర్, శ్రీలీల గురించి ఆస‌క్తిక‌ర అప్ డేట్ వ‌చ్చింది. ఈ ఇద్ద‌రూ కలిసి ఓ ల‌వ్లీ మూవీ థ్రిల్లర్ నేపథ్యంలో న‌టించ‌నున్నారు. ఇందులో హీరోగా సిద్దార్థ్ గుప్తా కీ రోల్ పోషించ‌నున్నారు. అయితే ఈ కొత్త‌గా రాబోయే రొమాంటిక్ థ్రిల్లర్ చిత్రానికి ఇంకా పేరు ఖ‌రారు చేయ‌లేదు. తాజాగా ఈ చిత్రం షూటింగ్ ఉత్తరాఖండ్‌లోని నైనిటాల్‌లో అధికారికంగా ప్రారంభమైంది. దర్శకుడు ఉమేష్ బిస్ట్ రూపొందిస్తున్న ఈ చిత్రం ప్రేమ, వ్యామోహం మరియు సంక్లిష్టమైన సంబంధాల నేపథ్యంలో సాగే ఆసక్తికరమైన కథాంశంతో ఇప్పటికే అందరి దృష్టిని ఆకర్షించింది. సమాచారం ప్రకారం ఒకే వ్యక్తి పట్ల వ్యామోహం పెంచుకున్న ఇద్దరు మహిళల చుట్టూ ఈ కథ తిరుగుతుంది, ఇది ఒక ఉత్కంఠ భరితమైన రొమాంటిక్ థ్రిల్లర్‌గా ఉండబోతోంది. అయితే, చిత్ర బృందం ఇంకా సినిమా పేరును, పాత్రల వివరాలను లేదా పూర్తి తారాగణాన్ని వెల్లడించలేదు.
ఈ ప్రాజెక్ట్‌ను ఏక్తా కపూర్‌కు చెందిన బాలాజీ మోషన్ పిక్చర్స్ , గునీత్ మోంగా కపూర్‌కు చెందిన సిఖ్యా ఎంటర్‌టైన్‌మెంట్ సంయుక్తంగా నిర్మిస్తున్నాయి. దర్శకుడు ఉమేష్ బిస్ట్ గతంలో ‘పగ్లైట్’ ‘గ్యారహ్’ వంటి చిత్రాలకు దర్శకత్వం వహించారు. ఈ సినిమా ద్వారా జాన్వీ కపూర్ , శ్రీలీల తొలిసారిగా కలిసి నటిస్తుండగా, సిద్ధార్థ్ గుప్తా ఇందులో కీలక పాత్ర పోషిస్తున్నారు. ప్రస్తుతం షూటింగ్ జరుగుతుండటంతో తారాగణం, కథాంశం , విడుదల తేదీకి సంబంధించిన మరిన్ని అప్‌డేట్ల కోసం ప్రేక్షకులు ఆసక్తిగా ఎదురు చూస్తున్నారు. జాన్వీ కపూర్ బుచ్చిబాబు స‌న ద‌ర్శ‌క‌త్వంలో రామ్ చ‌ర‌ణ్ స‌ర‌స‌న పెద్ది మూవీలో న‌టించింది. ఈ సినిమా ఆశించిన మేర ఆడ‌లేదు. ఇక శ్రీలీల కూడా బిగ్ స‌క్సెస్ కోసం వేచి చూస్తోంది. ప్ర‌ధాన హీరోల‌తో న‌టించినా వ‌ర్క‌వుట్ కాలేదు.