South Central Railway : దక్షిణ మధ్య రైల్వే మరో కీలక నిర్ణయం తీసుకుంది. గుంటూరు–తిరుపతి ఎక్స్ప్రెస్ రైలును ఈ నెల 25వ తేదీ (జూన్ 25) నుంచి మదనపల్లె క్రాస్ (CTM) వరకు పొడిగించనున్నట్లు అధికారులు అధికారికంగా ప్రకటించారు. ఈ నిర్ణయం ద్వారా ఆ ప్రాంత ప్రయాణికులకు రవాణా సౌకర్యం మరింత మెరుగవుతుందని రైల్వే వర్గాలు చెబుతున్నాయి.
South Central Railway Innovative
ప్రస్తుతం గుంటూరు (Guntur) నుంచి బయలుదేరే ఈ రైలు ఉదయం 6:23 గంటలకు పీలేరు చేరుతుంది. పీలేరు నుంచి ఇది నేరుగా మదనపల్లె క్రాస్ వరకు ప్రయాణిస్తుంది. తిరుగు ప్రయాణంలో రైలు మదనపల్లె క్రాస్ స్టేషన్ నుంచి మధ్యాహ్నం 3:00 గంటలకు బయలుదేరి, పీలేరు (3:47), పాకాల, తిరుపతి మీదుగా తిరిగి గుంటూరుకు చేరుతుంది.
ఈ రూట్ పొడిగింపుతో మదనపల్లె, పీలేరు పరిసర ప్రాంతాల ప్రయాణికులకు గుంటూరు, తిరుపతి వంటి ముఖ్య పట్టణాలకు నేరుగా చేరుకోవడం మరింత సులభమవుతుంది. ముఖ్యంగా విద్యార్థులు, వ్యాపారులు, ఆధ్యాత్మిక ప్రయాణికులకు ఇది ఎంతో ఉపయోగకరంగా మారుతుంది. రైల్వే అధికారులు ఈ ప్రత్యేక సర్వీసును జూలై 31వ తేదీ వరకు కొనసాగించనున్నట్లు వెల్లడించారు.
Related Post
ప్రభుత్వం తరఫున రవాణా సౌకర్యాలు విస్తరించడానికి ఇది మంచి ముందడుగుగా అభిప్రాయపడుతున్నారు స్థానిక ప్రజలు. దీనివల్ల దూరప్రాంత ప్రయాణాలు తక్కువ ఖర్చుతో, సురక్షితంగా సాగుతాయని పేర్కొన్నారు.
Also Read : Tesla New Innovation : భారత్ లోని ప్రధాన నగరాల్లో టెస్లా విక్రయ కేంద్రాలు
