Sadhguru : దేశం 79వ స్వాతంత్ర్య దినోత్సవాన్ని జరుపుకుంటున్న సందర్భంలో, ప్రముఖ ఆధ్యాత్మిక గురువు సద్గురు భారత అభివృద్ధి దిశపై స్పష్టమైన అభిప్రాయాలను వ్యక్తం చేశారు. దేశం ఎటు వెళ్తోంది? స్వేచ్ఛ అనే భావనకు అసలైన అర్థం ఏమిటి? అనే ప్రశ్నలను ఆయన ప్రజల ముందుంచారు.
Sadhguru – ఎదుర్కొంటున్న సవాళ్లపై అవగాహన అవసరం
“ప్రపంచ ఆర్థిక పరిణామాలు, రాజకీయ ఒంటరితనం, మతం – కులం – ప్రాంతం వంటి భిన్నత్వాల వల్ల ఏర్పడిన గోడలు ఇవన్నీ దేశానికి సవాళ్లుగా మారాయి. అయితే ధైర్యసాహసాలు కలిగిన ప్రజలు, దూరదృష్టి గల నాయకత్వం ఉన్నప్పుడు ఇవి అడ్డంకులు కాకుండా ఎదుగుదలకు దోహదం చేస్తాయి” అని సద్గురు (Sadhguru) అభిప్రాయపడ్డారు.
ప్రజలు భాగస్వామ్యం కావాల్సిన అవసరం
Related Post
“ఇప్పుడు కేవలం స్వేచ్ఛ ఇవ్వడం కాదు, వాస్తవంగా ప్రజలను స్వతంత్రంగా ఆలోచించేలా చేయాల్సిన సమయం వచ్చింది. విద్య, పరిశ్రమ, సాంకేతికత, మౌలిక వసతుల అభివృద్ధిలో ప్రజలు కూడా చురుకుగా పాల్గొనాలి. ఇది కేవలం ప్రభుత్వ బాధ్యత మాత్రమే కాదు” అని తెలిపారు.
పాత పద్ధతులపై విమర్శ
“పాత విధానాలు, నిబంధనలు అభివృద్ధికి అడ్డుగా ఉన్నప్పుడు అవి మారాలి. కొత్త ఆలోచనలను ఫైళ్లలో బందించి ఆలస్యం చేయడం ద్వారా దేశ పురోగతికి అడ్డంకి కలుగుతుంది. ప్రతి మార్పు ప్రారంభం చిన్న ఆలోచన నుంచే జరుగుతుంది” అని అన్నారు.
విద్యా, శక్తి రంగాల్లో మౌలిక మార్పులు అవసరం
“సాంకేతిక రంగంలో భారత్కి ఉన్న స్థానం గర్వించదగ్గది. అయితే విద్యారంగంలో కూడా సంస్కరణలు అవసరం. చదువు అనేది కేవలం పుస్తక భారం కాకుండా, ఆలోచన శక్తిని పెంచే విధంగా ఉండాలి. విద్యార్థుల్లో చిన్నప్పటి నుంచే సృజనాత్మకత పెంపొందించాలి” అని సూచించారు.
“ఇంధన రంగంలో స్వయం నిర్భరత సాధించాలి. చిన్న అణు విద్యుత్ కేంద్రాల స్థాపనకు దేశం దారితీయాలి. తద్వారా శక్తి వినియోగాన్ని తక్కువ ఖర్చుతో నిర్వహించవచ్చు” అని వివరించారు.
యువత – దేశ భవిష్యత్తు
“భారతదేశం ఇక చిన్నపిల్లల దేశం కాదు. ఇది యువశక్తితో నిండిన దేశంగా రూపుదిద్దుకుంటోంది. రక్షణ పేరిట ఆవిష్కరణలకు అడ్డుగోడలు వేయకూడదు. యువత కొత్త ఆలోచనలతో ముందుకు రావాలి. వారికి అవకాశాల పునాదులు సిద్ధం చేయాలి. ప్రజల ఆత్మవిశ్వాసం పెరగాలంటే, వారికీ అసలైన స్వేచ్ఛ ఇవ్వాలి” అని సద్గురు (Sadhguru) పిలుపునిచ్చారు.
Also Read : Khairatabad Ganesh Interesting Update : అత్యంత వేగంగా దూసుకుపోతున్న ఖైరతాబాద్ గణేష్ పనులు
