Maruti : భారత ఆటోమొబైల్ రంగంలో దిగ్గజ సంస్థ మారుతి సుజుకి SUV విభాగంలో తన ఆధిపత్యాన్ని పెంచేందుకు దూకుడు పెంచింది. ఒకప్పుడు SUV మోడళ్లు తక్కువగా ఉండటంతో విమర్శలు ఎదుర్కొన్న మారుతి (Maruti), ఇప్పుడు 2030 నాటికి ఐదు కొత్త SUV మోడళ్లను మార్కెట్లోకి తీసుకురావడానికి సన్నాహాలు చేస్తోంది. ఈ కొత్త లాంచ్లు టాటా, మహీంద్రా, హ్యుందాయ్ వంటి పోటీదారులకు గట్టి సవాల్ విసరనున్నాయి.
Maruti New Innovation
1. మారుతి విక్టోరియస్
మారుతి తాజాగా విక్టోరియస్ అనే కొత్త SUVని ఆవిష్కరించింది. ఇది గ్రాండ్ విటారా కంటే దిగువ స్థాయి మోడల్.
- అమ్మకం: అరీనా డీలర్షిప్ల ద్వారా
- ధర: రూ. 10–18 లక్షల మధ్య
- ఫీచర్లు: లెవల్-2 ABS, పవర్డ్ టెయిల్గేట్, హెడ్-అప్ డిస్ప్లే (HUD), డ్యూయల్-పేన్ సన్రూఫ్ వంటి ఆధునిక సాంకేతికతలు
2. మారుతి (Maruti) ఇ-విటారా (మొదటి ఎలక్ట్రిక్ SUV)
మారుతి తన తొలి ఎలక్ట్రిక్ SUV – ఇ-విటారాను త్వరలో మార్కెట్లోకి తీసుకురానుంది.
- ప్లాట్ఫాం: హార్త్స్టోన్
- ఫీచర్లు: రెండు రకాల బ్యాటరీ ప్యాక్లు, ఫాస్ట్ ఛార్జింగ్ టెక్నాలజీ
- రేంజ్: ఒక్కసారి ఛార్జ్ చేస్తే 500 కి.మీ వరకు
- అమ్మకం: నెక్సా డీలర్షిప్ల ద్వారా
3. 7-సీటర్ గ్రాండ్ విటారా
గ్రాండ్ విటారా SUVలో ఇప్పుడు 7 సీట్ల కొత్త వెర్షన్ను ప్రవేశపెట్టడానికి మారుతి సిద్ధమవుతోంది.
- పోటీ: టాటా సఫారీ, మహీంద్రా XUV700
- ప్రత్యేకత: కుటుంబ ప్రయాణాలకు అనువైన డిజైన్
- అంచనా: మార్కెట్లో భారీ స్పందన
4. మారుతి మైక్రో SUV
టాటా పంచ్, హ్యుందాయ్ ఎక్స్టర్లకు పోటీగా మారుతి కొత్త మైక్రో SUVపై పనిచేస్తోంది.
- లాంచ్ సమయం: 2026–2027
- ధర: SUVల కంటే తక్కువ రేంజ్లో
- టెక్నాలజీ: హైబ్రిడ్ సిస్టమ్
- మైలేజీ: లీటరు పెట్రోల్కు 40 కి.మీ వరకు ఇవ్వగలదని అంచనా
5. మారుతి ఫ్రాంక్స్ (హైబ్రిడ్ అప్డేట్)
భారత మార్కెట్లో ఇప్పటికే ఉన్న ఫ్రాంక్స్ SUVకి హైబ్రిడ్ వెర్షన్ను త్వరలో విడుదల చేయనుంది.
- టెక్నాలజీ: డిజైర్ ఎగుమతి మోడల్లో వాడుతున్న హైబ్రిడ్ సిస్టమ్
- ప్రయోజనం: అధిక మైలేజీ, తక్కువ ఇంధన వినియోగం
- ప్రణాళిక: వచ్చే ఏడాది ఫ్లెక్స్ ఇంధన వాహనాలను కూడా ప్రవేశపెట్టడం
మార్కెట్ అంచనాలు:
మారుతి ఈ SUV మోడళ్లతో ఎలక్ట్రిక్, హైబ్రిడ్, ఫ్లెక్స్ ఫ్యూయెల్ విభాగాల్లో కొత్త దిశను చూపనుంది. పర్యావరణ హితమైన వాహనాలతో పాటు అధిక మైలేజీ, సరసమైన ధరలతో వినియోగదారులను ఆకర్షించనుంది.
Also Read : Metro Rail – Noida Growth : 2,991 కోట్ల వ్యయంతో నొయిడాకు మరో మెట్రో లైన్