India : భారత ఆర్థిక వ్యవస్థ 2025-26 ఆర్థిక సంవత్సరం తొలి త్రైమాసికం (ఏప్రిల్-జూన్)లో 7.8 శాతం వృద్ధిను సాధించింది. గతేడాది ఇదే కాలంలో వృద్ధి రేటు 6.5 శాతం మాత్రమే ఉండగా, ఈసారి అంచనాలను మించి మెరుగైన ఫలితాలు సాధించిందని నేషనల్ స్టాటిస్టిక్స్ ఆఫీస్ (NSO) ఆగస్టు 29న విడుదల చేసిన గణాంకాలు వెల్లడించాయి.
India – అంచనాలను మించిన వృద్ధి
ఈ వృద్ధి రేటు, విశ్లేషకులు మరియు రిజర్వ్ బ్యాంక్ అఫ్ ఇండియా (RBI) అంచనా వేసిన 6.5 శాతం కంటే ఎక్కువ. దీని ద్వారా భారత్ ఆర్థిక బలాన్ని మరోసారి ప్రపంచానికి చూపించింది. ముఖ్యంగా సేవల రంగం మరియు మాన్యుఫాక్చరింగ్ రంగం బలంగా నిలవడం వృద్ధికి దోహదమైంది.
జీడీపీ గణాంకాలు
రియల్ జీడీపీ (ద్రవ్యోల్బణం లెక్కల్లోకి తీసుకున్న నిజమైన వృద్ధి) రూ. 47.89 లక్షల కోట్లు, గతేడాది ఇదే కాలంలో రూ. 44.42 లక్షల కోట్లు మాత్రమే.
నామమాత్రపు జీడీపీ (ద్రవ్యోల్బణంతో కలిపిన విలువ) రూ. 86.05 లక్షల కోట్లు, ఇది గతేడాది రూ. 79.08 లక్షల కోట్లుగా నమోదైంది.
వ్యవసాయ రంగం బలంగా
వ్యవసాయ రంగం 3.7 శాతం వృద్ధిను సాధించింది. ఇది గత ఏడాది ఇదే కాలంలో 1.5 శాతం మాత్రమే. మంచి వర్షాలు, పంటల దిగుబడి, గ్రామీణ ఆదాయ పెరుగుదల వృద్ధికి ప్రధాన కారణాలుగా గుర్తించబడ్డాయి.
మాన్యుఫాక్చరింగ్ స్థిరంగా
మాన్యుఫాక్చరింగ్ రంగం 7.7 శాతం వృద్ధిను నమోదు చేసింది. గత ఏడాది ఇదే కాలంలో 7.6 శాతం ఉండగా, ఈసారి స్వల్పంగా మెరుగైన ప్రదర్శన చూపింది. స్థిరమైన ఉత్పత్తి కొనసాగుతున్నదని నిపుణులు పేర్కొన్నారు.
సేవల రంగం కీలకం
ఫైనాన్స్, ఇన్సూరెన్స్, రియల్ ఎస్టేట్, టెక్నాలజీ వంటి సేవల విభాగాలు ఆర్థిక వృద్ధిలో కీలక పాత్ర పోషించాయి. పట్టణ ప్రాంతాల్లో వినియోగం పెరగడం, డిజిటల్ సేవల విస్తరణ ఈ రంగం పనితీరును మరింత బలోపేతం చేశాయి.
చైనాపై ఆధిక్యం
ప్రస్తుతం భారత్ ప్రపంచంలో వేగంగా ఎదుగుతున్న పెద్ద ఆర్థిక వ్యవస్థగా నిలుస్తోంది. ఇదే కాలంలో చైనా వృద్ధి రేటు 5.2 శాతం కాగా, భారత్ 7.8 శాతంతో ముందంజలో ఉంది.
Also Read : Indian Rupee Drop Shocking : కనిష్ట స్థాయికి చేరిన రూపాయి విలువ
