ICICI Bank : ఐసీఐసీఐ బ్యాంక్ తన సేవింగ్స్ అకౌంట్ ఖాతాదారులపై కొత్త నియమాలు విధించింది. 2025 ఆగస్టు 1వ తేదీ నుండి మెట్రో మరియు అర్బన్ శాఖల పరిధిలో ఉన్న పొదుపు ఖాతాదారులు నెలకు కనీసం రూ.50,000 సగటు మినిమం బ్యాలెన్స్ (MAMB)ను నిర్వహించాల్సిన నిబంధనను అమలు చేయనుంది. ఇప్పటి వరకు ఈ బ్యాలెన్స్ రూ.10,000గా ఉండగా, ఇది ఐదింతలు పెరిగింది. దేశీయంగా ఇది బ్యాంకింగ్ రంగంలో అత్యధిక మినిమం బ్యాలెన్స్కు సంబంధించిన నిబంధనగా నమోదైంది.
ICICI Bank Shocking Update
ఇంతకుముందు స్టేట్ బ్యాంక్ ఆఫ్ ఇండియా (ఎస్బీఐ) 2020లో సేవింగ్స్ ఖాతాలపై మినిమం బ్యాలెన్స్ నిబంధనలను పూర్తిగా తొలగించింది. అయితే ఐసీఐసీఐ బ్యాంక్ (ICICI Bank) మాత్రం వ్యత్యాసంగా, సెమీ-అర్బన్ శాఖల కోసం MAMBను రూ.5,000 నుంచి రూ.25,000కి, గ్రామీణ శాఖల కోసం రూ.2,500 నుంచి రూ.10,000కి పెంచింది. ఈ మార్పులు బ్యాంకింగ్ ఖాతాలో డిపాజిట్ అవసరాలను గణనీయంగా పెంచినట్టు భావించబడుతోంది.
అలాగే, అదే రోజు నుంచి యుపీఐ (UPI) లావాదేవీలపై చెల్లింపు అగ్రిగేటర్ల (Payment Aggregators) సేవలకు సంబంధించి కూడా కొత్త రుసుములు అమల్లోకి రానున్నాయి. ఎస్క్రో ఖాతాదారులు తక్కువ చార్జీలు చెల్లించాల్సి వస్తుండగా, ఐసీఐసీఐ బ్యాంక్తో భాగస్వామ్యం లేని పేమెంట్ అగ్రిగేటర్లు అధిక రుసుములను ఎదుర్కొనాల్సి రావచ్చు.
ఈ మార్పులు కొత్త ఖాతాదారులపై ప్రత్యక్ష ప్రభావం చూపనున్నాయి. ఉన్న ఖాతాదారులు తమ బ్యాలెన్స్ పరిస్థితిని సమీక్షించుకోవలసిన అవసరం ఏర్పడింది. పెరుగుతున్న మౌలిక సదుపాయాల నిర్వహణ వ్యయాలను దృష్టిలో ఉంచుకుని బ్యాంక్ ఈ నిర్ణయాలను తీసుకున్నట్లు తెలుస్తోంది.
Also Read : Elon Musk Warning : మైక్రోసాఫ్ట్ సీఈవో సత్య నాదెళ్ల కు మస్క్ హెచ్చరికలు