Hari Hara Veera Mallu : పవర్ స్టార్ పవన్ కళ్యాణ్, నిధి అగర్వాల్ కీలక పాత్రలు పోషించిన చిత్రం హరి హర వీరమల్లు (Hari Hara Veera Mallu). దీనికి దర్శకత్వం వహించారు జ్యోతి కృష్ణ. ఈనెల 24న ప్రపంచ వ్యాప్తంగా ప్రేక్షకుల ముందుకు రానుందని, ఇందులో ఎలాంటి అనుమానం అక్కర్లేదన్నారు నిర్మాత ఎంఎం రత్నం. ప్రీ-రిలీజ్ ఈవెంట్ కోసం నైట్ ప్రీమియర్లు, సెలబ్రిటీ అతిధులను ధృవీకరించారు. ప్రస్తుతం అత్యంత ఆసక్తిగా ఎదురు చూస్తున్న తెలుగు చిత్రాలలో ఒకటిగా ఉంది. ఈ చిత్రం తెలుగు, తమిళం, కన్నడ, హిందీ, మలయాళ భాషలలో థియేటర్లలోకి రానుంది.
Hari Hara Veera Mallu Movie Release Updates
అభిమానులకు ఎంతో ఆశ్చర్యం కలిగించే విధంగా, భారీ డిమాండ్ కారణంగా జూలై 23 రాత్రి 9:30 గంటలకు భారతదేశం అంతటా ప్రత్యేక ప్రీమియర్ షోలను ప్లాన్ చేస్తున్నట్లు నిర్మాత A.M. రత్నం ప్రకటించారు. దీనిని సాధ్యం చేయడానికి ఆంధ్రప్రదేశ్, తెలంగాణ ప్రభుత్వాల నుండి అవసరమైన అనుమతులను పొందడానికి , అంతే కాకుండా టిక్కెట్ ధరలను పెంచడానికి తాము కృషి చేస్తున్నామని చెప్పారు.
అంతే కాకుండా ఈ చిత్రం ప్రీ-రిలీజ్ ఈవెంట్ జూలై 21న హైదరాబాద్లోని శిల్పకళా వేదికలో జరగనుందని అన్నారు. ఇది స్టార్-స్టడెడ్ ఎఫైర్ గా ఉంటుందని హామీ ఇచ్చారు, ఎస్ఎస్ రాజమౌళి, త్రివిక్రమ్, కర్ణాటక మంత్రి ఈశ్వర్ ఖండ్రే వంటి ప్రముఖులతో పాటు అనేక మంది ప్రముఖ అతిథులు హాజరవుతారని భావిస్తున్నారు. వినూత్నంగా ప్రచారం చేస్తున్నారు. మెట్రో రైళ్లలో కూడా హరి హర వీరమల్లు పోస్టర్స్ దర్శనం ఇస్తున్నాయి. ఇప్పటికే హరి హర వీరమల్లు పోస్టర్స్, టీజర్, సాంగ్స్ కు భారీ స్పందన వచ్చింది.
Also Read : Hero Vijay Sethupathi – Nithya Menon : నిత్యా మీనన్ స్థానాన్ని ఎవరూ పూర్తి చేయలేరు