EPFO : ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) తన సభ్యుల కోసం కీలక రిఫార్మ్స్ను అమలు చేసింది. ఇకపై సభ్యులు రెండు వేర్వేరు లాగిన్లతో ఇబ్బంది పడకుండా, ఒకే లాగిన్తోనే అన్ని ముఖ్యమైన సర్వీసులను పొందగలరు. ఈ విషయాన్ని కేంద్ర కార్మిక శాఖ మంత్రి మన్సుఖ్ మాండవియా అధికారికంగా ప్రకటించారు.
మంత్రి మాట్లాడుతూ – “ఈ రిఫార్మ్స్తో సభ్యుల ఫిర్యాదులు తగ్గుతాయి, పారదర్శకత పెరుగుతుంది. అదే సమయంలో యూజర్ల సంతృప్తి కూడా మరింత పెరుగుతుంది” అని తెలిపారు.
EPFO – పాస్బుక్ లైట్ ఫీచర్
ఇప్పటివరకు మెంబర్ పోర్టల్, పాస్బుక్ పోర్టల్ అనే రెండు వేర్వేరు లాగిన్లు అవసరం అయ్యేవి. దీనివల్ల కొంతమంది సభ్యులు పాస్వర్డ్ సమస్యలను ఎదుర్కొన్నారు. ఈ సమస్యను పరిష్కరించేందుకు EPFO 3.0లో పాస్బుక్ లైట్ అనే కొత్త ఫీచర్ను ప్రవేశపెట్టారు.
- మెంబర్ పోర్టల్లోనే కంట్రిబ్యూషన్స్, విత్డ్రాయల్స్, ప్రస్తుత బ్యాలెన్స్ చూడొచ్చు.
- సింపుల్ వివరాల కోసం పాస్బుక్ లైట్, డీటెయిల్డ్ రికార్డుల కోసం పాత పాస్బుక్ పోర్టల్ కూడా అందుబాటులో ఉంటుంది.
జాబ్ మారినప్పుడు సులభమైన ట్రాన్స్ఫర్ ప్రాసెస్
ఉద్యోగం మారినప్పుడు PF అకౌంట్ ట్రాన్స్ఫర్ కోసం ఇప్పటివరకు ఫార్మ్ 13 ద్వారా మాత్రమే ప్రక్రియ సాగేది. దీనిలో అనెక్సర్ K సర్టిఫికేట్ PF ఆఫీసుల మధ్య షేర్ చేయబడేది. సభ్యులు దీన్ని చూడాలంటే ప్రత్యేక రిక్వెస్ట్ చేయాల్సి వచ్చేది.
ఇకపై ఈ సర్టిఫికేట్ను మెంబర్ పోర్టల్లోనే PDF రూపంలో డౌన్లోడ్ చేసుకోవచ్చు. దీనివల్ల సభ్యులకు ట్రాన్స్ఫర్ స్టేటస్, రికార్డులపై పూర్తి క్లారిటీ లభిస్తుంది. ఈ డిజిటల్ రికార్డులు భవిష్యత్లో పెన్షన్ బెనిఫిట్స్ లెక్కించడానికి కూడా ఉపయోగపడతాయి.
క్లెయిమ్ సెటిల్మెంట్స్ వేగవంతం
PF క్లెయిమ్ సెటిల్మెంట్స్, ట్రాన్స్ఫర్స్, అడ్వాన్స్లు, రీఫండ్స్ వంటి ప్రాసెస్లలో ఇంతకుముందు సీనియర్ అధికారుల ఆమోదం తప్పనిసరి ఉండేది. దీని వల్ల సమయం ఎక్కువ పట్టేది.
EPFO 3.0 రిఫార్మ్స్లో భాగంగా ఈ బాధ్యతలను అసిస్టెంట్ PF కమిషనర్లు మరియు లోయర్ ర్యాంక్ అధికారులకు అప్పగించారు. దీని ఫలితంగా:
- క్లెయిమ్ ప్రాసెసింగ్ వేగంగా జరుగుతుంది
- ఫీల్డ్ ఆఫీస్లలో అకౌంటబిలిటీ పెరుగుతుంది
- సభ్యులు తక్షణమే సేవలు పొందగలుగుతున్నారు
మొత్తం ప్రయోజనం
ఈ మార్పులతో సభ్యులు ఇప్పుడు:
- ఒకే లాగిన్తో అన్ని సర్వీసులు పొందగలరు
- పాస్బుక్ వివరాలు తక్షణమే చూసుకోవచ్చు
- జాబ్ మారినప్పుడు ట్రాన్స్ఫర్ సర్టిఫికెట్ ఆన్లైన్లో డౌన్లోడ్ చేసుకోవచ్చు
- క్లెయిమ్ సెటిల్మెంట్స్ వేగంగా, పారదర్శకంగా పూర్తి అవుతాయి
EPFO తీసుకువచ్చిన ఈ డిజిటల్ రిఫార్మ్స్ ఉద్యోగులకు మరింత సౌలభ్యం కల్పించడమే కాకుండా, వ్యవస్థపై విశ్వాసాన్ని పెంచనున్నాయి.
Also Read : RBI Shocking Rent Payments : ఫోన్ పే, గూగుల్ పే, ఇతర యాప్స్ రెంట్ ప్రెమెంట్స్ కి కొత్త రూల్స్
