Gold : పండుగ సీజన్ ప్రభావం, అంతర్జాతీయ మార్కెట్ ఒత్తిళ్లు, పెట్టుబడిదారుల సురక్షిత ఆస్తుల వైపు మళ్లింపు — ఈ మూడు అంశాలు కలిసి బంగారం ధరలను కొత్త రికార్డు స్థాయికి చేర్చాయి. గత వారం రోజులుగా పెరుగుతున్న బంగారం (Gold) ధరలు శుక్రవారం తొలిసారిగా తులం రూ.1.35 లక్షలను తాకి, ఆ తరువాత కాస్త తగ్గుముఖం పట్టాయి. ఈ ఏడాదిలో ఇప్పటివరకు బంగారం ధరలు ఏకంగా 58 శాతం పెరిగాయి.
Gold – ప్రస్తుత బంగారం, వెండి ధరలు
‘గుడ్ రిటర్న్స్’ వెబ్సైట్ ప్రకారం, శనివారం (అక్టోబర్ 18, 2025) ఉదయం 6.30 గంటల సమయానికి 24 క్యారెట్ల 10 గ్రాముల బంగారం (Gold) ధర రూ.1,32,780గా ఉంది.
22 క్యారెట్ల 10 గ్రాముల బంగారం రూ.1,21,710,
18 క్యారెట్ల బంగారం రూ.99,590 వద్ద ఉంది.
వెండి ధరలో స్వల్ప తగ్గుదల కనిపించింది. కిలో వెండి రేటు ప్రస్తుతం రూ.1,84,900గా ఉంది. అంతర్జాతీయ మార్కెట్లో స్పాట్ గోల్డ్ ధరలు ఔన్సుకు సుమారు $4,300 వద్ద స్థిరంగా కొనసాగుతున్నాయి.
డిమాండ్పై ప్రభావం లేదు
ధరలు పెరుగుతున్నప్పటికీ దేశవ్యాప్తంగా బంగారం కొనుగోళ్లపై ఎటువంటి ప్రభావం కనిపించలేదని ప్రముఖ జువెలర్స్ సంస్థలు వెల్లడిస్తున్నాయి. కుటుంబాల్లో నగదు ప్రవాహం పెరగడం, జీఎస్టీ సంస్కరణలు, పే కమిషన్ ఏరియర్స్ చెల్లింపులు, ద్రవ్యోల్బణం తగ్గుదల వంటి అంశాలు బంగారం కొనుగోళ్లను మరింత ప్రోత్సహిస్తున్నాయని వారు చెబుతున్నారు.
జువెలర్స్ సంస్థలు వినియోగదారులను ఆకర్షించేందుకు ప్రమోషనల్ ఆఫర్లు, రేట్ గ్యారెంటీలు, హోమ్ డెలివరీ వంటి సదుపాయాలను అందిస్తున్నాయి. చిన్న పరిమాణంలోని బంగారు నాణేలను ఆన్లైన్ ఆర్డర్ ద్వారా ఇంటికే పంపిణీ చేస్తున్నాయి.
దేశంలోని ప్రధాన నగరాల్లో బంగారం ధరలు (రూ.లో – 24కే / 22కే / 18కే)
- చెన్నై: ₹1,33,100 / ₹1,22,010 / ₹1,01,010
- ముంబై: ₹1,32,780 / ₹1,21,710 / ₹99,590
- ఢిల్లీ: ₹1,32,930 / ₹1,21,860 / ₹97,210
- కోల్కతా: ₹1,32,780 / ₹1,21,710 / ₹99,590
- బెంగళూరు: ₹1,32,780 / ₹1,21,710 / ₹99,590
- హైదరాబాద్: ₹1,32,780 / ₹1,21,710 / ₹99,590
- కేరళ: ₹1,32,780 / ₹1,21,710 / ₹99,590
- పూణె: ₹1,32,780 / ₹1,21,710 / ₹99,590
- వడోదరా: ₹1,32,830 / ₹1,21,760 / ₹99,640
- అహ్మదాబాద్: ₹1,32,830 / ₹1,21,760 / ₹99,640
ప్రధాన నగరాల్లో వెండి ధరలు (కిలోకు రూ.)
- చెన్నై: ₹2,02,900
- ముంబై: ₹1,84,900
- ఢిల్లీ: ₹1,84,900
- కోల్కతా: ₹1,88,800
- బెంగళూరు: ₹1,93,800
- హైదరాబాద్: ₹2,02,900
- కేరళ: ₹2,02,900
- పూణె: ₹1,84,900
- వడోదరా: ₹1,84,900
- అహ్మదాబాద్: ₹1,84,900
Also Read : Gold Price Growth : తాజాగా మరోసారి భారీగా పెరిగిన పసిడి ధరలు