Ex MLC Kavitha : హైదరాబాద్ : ఎమ్మెల్సీ కల్వకుంట్ల కవిత (Ex MLC Kavitha) కీలక వ్యాఖ్యలు చేసింది తెలంగాణ సర్కార్ పై. తాము చేపట్టిన కుల సర్వే వివరాలను వెంటనే వెల్లడించాలని ఆమె డిమాండ్ చేసింది. మంగళవారం కవిత మీడియాతో మాట్లాడారు. స్థానిక సంస్థల ఎన్నికల తేదీలను ప్రకటించే ముందు ప్రతి గ్రామ పంచాయతీకి కుల జనాభా లెక్కల వివరాలను వెల్లడించాల్సిన అవసరం ఉందన్నారు. కుల జనాభా లెక్కల సర్వే వివరాలను వెల్లడించకుండా వెనుకబడిన తరగతుల (బీసీ) రిజర్వేషన్లను ఖరారు చేయడానికి ప్రభుత్వం కుట్ర పన్నుతోందని కవిత ఆరోపించారు. కాంగ్రెస్ పార్టీ తమకు అనుకూలంగా భావించే ప్రదేశాలలో రిజర్వేషన్లను ఖరారు చేయడానికి ప్రయత్నిస్తోందని ఆమె అన్నారు. స్థానిక సంస్థల ఎన్నికల తేదీలను ప్రకటించే ముందు ప్రభుత్వం కుల జనాభా లెక్కల సర్వే వివరాలను వెల్లడించడం ద్వారా తన నిజాయితీని నిరూపించుకోవాలని ఆమె అన్నారు.
Ex MLC Kavitha Comments
రాజకీయ ప్రయోజనం పొందడానికి వారు తొందరపడి ఎన్నికలు నిర్వహిస్తే, అది బీసీలకు అన్యాయం చేస్తుందన్నారు. దీని వల్ల బీసీల నుంచి పూర్తి వ్యతిరేకత వస్తుందని వార్నింగ్ ఇచ్చారు కల్వకుంట్ల కవిత. ప్రతి గ్రామ పంచాయతీకి కుల గణన వివరాలను బహిర్గతం చేయాలన్నారు. తెలంగాణ జాగృతి సంస్థ మొదటి నుంచి బీసీ రిజర్వేషన్లను పెంచడానికి చిత్తశుద్ధితో పని చేస్తోందని చెప్పారు. బీసీలకు రిజర్వేషన్లు పెంచే వరకు పోరాటం కొనసాగిస్తుందని స్పష్టం చేశారు. బతుకమ్మ వేడుకల్లో పాల్గొనడానికి మంచిర్యాల జిల్లాకు వెళ్లడం జరిగిందన్నారు. అంతకు ముందు ఆమె హైదరాబాద్లోని తెలంగాణ జాగృతి కార్యాలయంలో జరిగిన ‘బతుకమ్మ’ వేడుకల్లో పాల్గొన్నారు.
Also Read : Hero Shah Rukh Khan : అవార్డు అందుకున్న షారుక్ ఖాన్..రాణి ముఖర్జీ