Minister Rajanna : కర్ణాటక – ఓటర్ల జాబితాలో జరిగిన అవకతవకలపై కాంగ్రెస్ మౌనం వహించిందంటూ సంచలన కామెంట్స్ చేశారు మంత్రి రాజన్న (Minister Rajanna). కాంగ్రెస్ పార్టీ తన హయాంలో జరిగిన అవకతవకలపై మా కళ్ళ ముందే మౌనం వహించడాన్ని ప్రశ్నించారు. ఆయన చేసిన స్పష్టమైన వ్యాఖ్యలు పార్టీలోని అంతర్గత జవాబుదారీతనం, ఎన్నికల నిఘాపై చర్చను రేకెత్తించాయి . ఇదిలా ఉండగా గత లోక్సభ ఎన్నికల్లో పెద్ద ఎత్తున ఓట్ల దొంగతనం జరిగిందని కాంగ్రెస్ నాయకుడు . ఎంపీ రాహుల్ గాంధీ ఇటీవల చేసిన ఆరోపణలకు ప్రతిస్పందనగా ఆయన వ్యాఖ్యలు చేశారు. తాజాగా చేసిన వ్యాఖ్యలు తీవ్ర కలకలం రేపాయి.
Minister Rajanna Key Comments
ఆదివారం ఎన్ రాజన్న మీడియాతో మాట్లాడారు. లోక్సభ ఎన్నికల్లో ఉపయోగించిన ఓటర్ల జాబితాలను కాంగ్రెస్ అధికారంలో ఉన్నప్పుడు తయారు చేశారని రాజన్న ఎత్తి చూపారు. అప్పుడు అక్రమాలు జరిగితే, ఆ సమయంలో ఎవరూ మాట్లాడలేదు? మనం ఎందుకు మౌనంగా ఉండి పోయామంటూ ప్రశ్నించారు. ఆయన తన పార్టీ సహచరులను బహిరంగంగా సవాలు చేస్తూ అడిగారు.
ఓటర్ జాబితాలో మార్పులు జరిగాయని రాజన్న అంగీకరించారు, ఇది ప్రధానమంత్రి పదవీ బాధ్యతలు స్వీకరించడంలో పాత్ర పోషించిందని ఆయన పేర్కొన్నారు. ఎన్నికల సంఘం ఓటరు జాబితాను మార్చిందనేది 100 శాతం నిజం అన్నారు. మహదేవపురలో ఖచ్చితంగా మోసం జరిగిందన్నారు.. కానీ ముసాయిదా జాబితా సిద్ధం చేస్తున్నప్పుడు, దానిని పర్యవేక్షించడం మా బాధ్యత కాదా అని ప్రశ్నించారు.
రాహుల్ గాంధీ ఓటు దొంగతనం జరిగిందని ఆరోపించినప్పటికీ, డ్రాఫ్ట్ దశలో ఈ విషయం లేవనెత్తక పోవడం పట్ల రాజన్న నిరాశ వ్యక్తం చేశారు. ఈ అక్రమాలు మన కళ్ల ముందే జరిగాయి. అప్పట్లో మన మౌనం వహించడం కూడా తప్పేనని పేర్కొన్నారు.
Also Read : PM Modi-Vande Bharat Growth : వందే భారత్ ట్రైన్స్ తో ప్రాంతీయ కనెక్టివిటి
