Animal: అర్జున్ రెడ్డి ఫేం సందీప్ రెడ్డి వంగా దర్శకత్వంలో రణ్‌బీర్‌ కపూర్, రష్మిక హీరోహీరోయిన్లుగా తెరకెక్కించిన ‘యానిమల్’ సినిమా కలెక్షన్ల పరంగా జైత్ర యాత్ర కొనసాగిస్తోంది. డిసెంబర్ 1 న విడుదలైన పాజిటివ్ టాక్ తెచ్చుకున్న ఈ సినిమా ఫస్ట్ డే రూ. 116 కోట్లు వసూలు చేసి… హీరో రణ్ బీర్ కపూర్ కెరీర్ లోనే బిగ్గెస్ట్ హిట్ గా నిలిచింది.
Animal Collections Trending
అయితే ఇదే జైత్ర యాత్రను రెండో రోజూ కూడా కొనసాగించింది. రెండో రోజు ప్రపంచ వ్యాప్తంగా మరో రూ. 120 కోట్లు వసూలు చేసి రెండు రోజుల్లో రూ.236 కోట్లు వసూలు చేసి రికార్డు సృష్టించింది. దీనితో యానిమల్(Animal) హంట్ బిగిన్స్ అంటూ చిత్ర నిర్మాణ సంస్థ టీ-సిరీస్ చేసిన ట్వీట్… సోషల్ మీడియా ఫ్లాట్ ఫాం ఎక్స్ లో ట్రెండింగ్ లోనికి వచ్చింది.
అర్జున్ రెడ్డి ఫేం సందీప్ రెడ్డి వంగా దర్శకత్వంలో రణ్‌బీర్‌ కపూర్, రష్మిక, అనిల్ కపూర్, బాబీ డియోల్ ప్రధాన పాత్రలో తెరకెక్కిన ఈ సినిమా ‘యానిమల్’. టి-సిరీస్, భద్రకాళి పిక్చర్స్, సినీ1 స్టూడియోస్ సంయుక్తంగా యాక్షన్ ఎంటర్ టైనర్ గా నిర్మించిన ఈ సినిమా డిసెంబరు 1న విడుదలై పాజిటివ్ టాక్ ను సంపాదించింది.
తెలుగు, తమిళం, కన్నడ, మలయాళం, హిందీ భాషల్లో ఒకేసారి విడుదలైన ఈ సినిమాకు యూత్ నుండి మంచి స్పందన వస్తుంది. సుమారు 200కోట్ల రూపాయలతో భారీ బడ్జెట్ సినిమాగా రూపొందిన ఈ సినిమా రెండు రోజుల్లోనే రూ. 236 కోట్ల రూపాయలు వసూలు చేసి రికార్డు సృష్టించింది.
Also Read : Hero Nani: విజయ్-రష్మికలకు క్షమాపణ చెప్పిన నాని