వాషింగ్టన్ : ఆర్టిఫిషియల్ ఇంటెలిజెన్స్ భద్రతలపై అమెరికా, చైనాలు సాంకేతిక స్థాయిలో చర్చలు జరిపినప్పటికీ ప్రకటించడానికి ఏమీ లేదని అమెరికా విదేశాంగ కార్యదర్శి మార్కో రూబియో అన్నారు. రాబోయే అంతర్జాతీయ శిఖరాగ్ర సమావేశాలకు ముందు ఈ సమస్య ఇంకా పరిష్కారం కాలేదని ఆయన పేర్కొన్నారు. రాబోయే శిఖరాగ్ర సమావేశంలో ఈ అంశాన్ని లేవనెత్తాలని ఆసియా-పసిఫిక్ ఆర్థిక వ్యవస్థల నాయకులు , గ్రూప్ ఆఫ్ 20 (G7)తో జరిగే చర్చలలో ఇది ప్రస్తావనకు వచ్చే అవకాశం ఉందని రూబియో అన్నారు. వారితో సాంకేతిక స్థాయిలో సంభాషణలు జరిగాయని నాకు తెలుసు, కానీ దానిపై ప్రకటించడానికి మా వద్ద ఏమీ లేదు అని G7 సమావేశం తర్వాత విలేకరులతో అన్నారు. స్పష్టంగా, మేము వారి దృక్కోణాన్ని విన్నాము, వారు మా దృక్కోణాన్ని విన్నారు, కానీ ఇది ఇంకా కొనసాగుతున్న ప్రక్రియ అని ఆయన పేర్కొన్నారు.
తమ చివరి అధ్యక్ష స్థాయి సమావేశం తర్వాత వాషింగ్టన్ , బీజింగ్ దేశాలు ఏఐ రక్షణ చర్యలపై తీవ్రమైన చర్చలు జరిపాయా , తదుపరి శిఖరాగ్ర సమావేశంలో ఈ అంశాన్ని మళ్ళీ ప్రస్తావిస్తారా అనే ప్రశ్నలకు ఆయన సమాధానమిచ్చారు. ఈ చర్చ కేవలం ఇరు దేశాల మధ్య ద్వైపాక్షిక చర్చలకే పరిమితం కాదని రూబియో సూచించారు. అవును. శిఖరాగ్ర సమావేశంలో మనం లేవనెత్తాల్సిన అంశం ఇది అని ఆయన అన్నారు. ఆసియా-పసిఫిక్ ఎకనామిక్ కోఆపరేషన్ సమావేశానికి హాజరయ్యే నాయకులు ఏఐ గురించి చర్చిస్తారని ఆయన ఆశించారు. అలాగే చైనా ప్రాతినిధ్యం వహించే జీ20 సమావేశంలో కూడా ఈ అంశం ప్రస్తావనకు వస్తుందని ఆయన తెలిపారు. ఈ చర్చలను రూబియో సాంకేతిక స్థాయి సంభాషణలుగా అభివర్ణించారు. ఇందులో ప్రతి ప్రభుత్వం తమ తమ దృక్కోణాన్ని తెలియ జేసిందని పేర్కొన్నారు.
