Abhishek Sharma : హైదరాబాద్ : స్టార్ యంగ్ క్రికెటర్ అభిషేక్ శర్మ (Abhishek Sharma) సంచలనం సృష్టించాడు. కేవలం 12 బంతుల్లోనే హాఫ్ సెంచరీ నమోదు చేశాడు. ఇది అరుదైన రికార్డ్. ఒకే ఇన్నింగ్స్ లో తక్కువ బంతుల్లో అర్ద సెంచరీ చేయడం విశేషం. ప్రపంచ వ్యాప్తంగా ఆఫ్ఘనిస్తాన్కు చెందిన హజ్రతుల్లా జజాయ్ , న్యూజిలాండ్కు చెందిన ఫిన్ అల్లెన్ అభిషేక్ శర్మలతో కలిసి సంయుక్తంగా మూడవ అత్యధిక హాఫ్ సెంచరీని నమోదు చేశాడు . సయ్యద్ ముస్తాక్ అలీ ట్రోఫీ లో భాగంగా పశ్చిమ బెంగాల్ తో జరిగిన మ్యాచ్ లో అజేయంగా 148 రన్స్ చేశాడు. అంతే కాదు టి20 ఇన్నింగ్స్లో ఒక భారతీయుడు చేసిన అత్యధిక సిక్సర్ల రికార్డును తను సొంతం చేసుకున్నాడు. కేవలం 12 బంతుల్లోనే వచ్చిన అతని అర్ధ సెంచరీ, ఒక భారతీయుడి రెండవ వేగవంతమైన సెంచరీ కూడా. ఇందులో 16 సిక్సర్లు, 8 ఫోర్లు ఉన్నాయి. అభిషేక్ శర్మ ఓపెనర్ ప్రభ్సిమ్రాన్ సింగ్తో కలిసి 13 ఓవర్లలోనే 205 పరుగులు చేయడంతో తన జట్టుకు బలమైన స్కోర్ ను అందించాడు.
Abhishek Sharma Sensational Cricket
ఇదిలా ఉండగా ఎస్టోనియాకు చెందిన భారత సంతతికి చెందిన సాహిల్ చౌహాన్ జూన్ 2024లో సైప్రస్పై బాదిన టి20 ఇన్నింగ్స్లో 18 అత్యధిక సిక్సర్ల రికార్డును కలిగి ఉన్నాడు. జింఖానా గ్రౌండ్లో ఇక్కడ జరిగిన ఎలైట్ గ్రూప్ సి ఘర్షణలో అభిషేక్ 12 బంతుల్లో అర్ధ సెంచరీ సాధించి తన గురువు , భారత మాజీ ఆల్ రౌండర్ యువరాజ్ సింగ్ రికార్డును సమం చేశాడు. తన ఇన్నింగ్స్ లో ఒకే డాట్ బాల్ను ఎదుర్కొన్నాడు. ఇందులో 5 సిక్సర్లు ఫోర్లతో కేవలం 12 బంతుల్లోనే హాఫ్ సెంచరీ పూర్తి చేశాడు. అత్యంత వేగవంతమైన అర్ధ సెంచరీ రికార్డు అశుతోష్ శర్మ పేరిట ఉంది, అతను 2023-24లో సయ్యద్ ముష్తాక్ అలీ టి20 ట్రోఫీ సందర్బంగా హిమాచల్ ప్రదేశ్తో జరిగిన మ్యాచ్లో రైల్వేస్ తరపున 11 బంతుల్లోనే ఈ హాఫ్ సెంచరీని నమోదు చేశాడు.
Also Read : Rohit Sharma Sensational Record : వన్డే క్రికెట్ లో రోహిత్ శర్మ అరుదైన రికార్డ్
