NTR: టాలీవుడ్ లో మ్యాన్ ఆఫ్ మాసెస్ గా గుర్తింపు పొందిన స్టార్ హీరో యంగ్ టైగర్ ఎన్టీఆర్. ఆర్ఆర్ఆర్ సినిమా తరువాత పాన్ ఇండియా స్టార్ గా గుర్తింపు తెచ్చుకున్న ఎన్టీఆర్… ఇప్పుడు కొరటాల శివ దర్శకత్వంలో తెరకెక్కించిన ‘దేవర’ సినిమాతో ప్రపంచ వ్యాప్తంగా అభిమానులను పలకరించబోతున్నారు. ఈ నెల 27న విడుదల కాబోతున్న ఈ సినిమాకు సంబంధించిన ప్రమోషన్స్ ను ఇప్పటికే చిత్ర యూనిట్ షురూ చేసింది. దీనిలో భాగంగా ఇటీవల చెన్నైలో నిర్వహించిన ‘దేవర’ సినిమా ప్రమోషన్ లో తన అభిమాన కోలీవుడ్ దర్శకుడు వెట్రిమారన్ గురించి ఎన్టీఆర్ ఆశక్తికరమైన వ్యాఖ్యలు చేసారు. ప్రస్తుతం ఆయన చేసిన వ్యాఖ్యలు సోషల్ మీడియాలో వైరల్ కావడంతో పాటు… వీరిద్దరి కాంబినేషన్ లో సినిమా కోసం ఎదురు చూస్తున్నామంటూ అభిమానులు కామెంట్లు పెడుతున్నారు.
NTR Comment
చెన్నైలో నిర్వహించిన ‘దేవర’ సినిమా ప్రమోషన్ లో యంగ్ టైగర్ ఎన్టీఆర్(NTR) మాట్లాడుతూ… ‘‘అందరికీ నమస్కారం. చెన్నై నాకెప్పుడు ప్రత్యేకమే. నా చిన్నప్పుడు కూచిపూడి నృత్యం ఇక్కడే నేర్చుకున్నాను. మనం భిన్న భాషలు మాట్లాడుతున్నాం… మనందరినీ సినిమా ఏకతాటిపై నిలుపుతోంది. ‘బాహుబలి’ తర్వాత టాలీవుడ్, కోలీవుడ్ అంటూ చిత్ర పరిశ్రమల్ని విభజించి చూసే రోజులు పోయాయి’’ అన్నారు. ‘‘నా కెరీర్‌లో నేను బలంగా కోరుకుని చేసిన సినిమా ఇది. దర్శకుడి విజన్‌ కి సాంకేతిక బృందం మూలస్తంభాలుగా నిలిచింది. జాన్వీ అద్భుతమైన నటి’’ అన్నారు. తమిళంలో సినిమా ఎప్పుడు చేస్తారని అడిగిన ప్రశ్నకు ఎన్టీఆర్ స్పందిస్తూ… ‘‘నా అభిమాన దర్శకుడు వెట్రిమారన్ సర్‌. ఆయనతో ఓ సినిమా ప్లాన్ చేయండి. ఆయన ఎప్పుడు నాతో సినిమా తీస్తే అప్పుడు నేరుగా తమిళంలో నటిస్తాను… ఆ సినిమాను తెలుగులో డబ్ చేసుకుంటామని ఎన్టీఆర్ అన్నారు. దీనికి సంబంధించిన వీడియోను దేవర టీమ్‌ ట్విటర్‌లో షేర్ చేయడంతో ప్రస్తుతం అది ట్రెండింగ్ లో ఉంది.
Also Read : Satya Dev: దీపావళికి సత్యదేవ్ పాన్ ఇండియా సినిమా ‘జీబ్రా’ !