Pushpa 2 : టాలీవుడ్ ఐకాన్ స్టార్ అల్లు అర్జున్ నటించిన ‘పుష్ప’ 2021 డిసెంబర్ లో విడుదల కానుంది. ఈ ఏడాది చివరి నాటికి ఈ క్రేజీ మూవీ విడుదలై మూడేళ్లు గడుస్తోంది. దీంతో ఈ సినిమా సీక్వెల్ పుష్ప 2: ది రూల్ రిలీజ్ కోసం అభిమానులు ఆసక్తిగా ఎదురు చూస్తున్నారు. అయితే ఈ సినిమా షూటింగ్ అంతకంతకు ఆలస్యమవుతోంది. దీంతో పుష్ప 2 రిలీజ్ పై ఇంకా సందిగ్ధం కొనసాగుతోంది. ఈ సినిమా వల్ల అల్లు అర్జున్ వేరే సినిమాలు కూడా చేయడం లేదు. అన్నీ అనుకున్నట్లు జరిగి ఉంటే ఆగస్ట్ 15న పుష్ప 2(Pushpa 2) సినిమా విడుదలయ్యేది.
అయితే ఈ సినిమా విడుదల తేదీని డిసెంబర్‌కి మార్చారు. అయితే ఇప్పుడు డిసెంబర్ లో పుష్ప సీక్వెల్ రావడం కష్టమని వార్తలు వినిపిస్తున్నాయి. వచ్చే ఏడాదే పుష్ప 2 ప్రేక్షకుల ముందుకు తీసుకురానున్నరని గుసగుసలు వినిపిస్తున్నాయి. అందుకు తగ్గట్టుగానే ఇప్పుడు పుష్ప 2 సినిమా షూటింగ్ కు బ్రేక్ పడింది. అల్లు అర్జున్ కూడా క్లీన్ షేవ్ చేసుకుని తన కుటుంబంతో కలిసి యూరప్‌కు విహారయాత్రకు వెళ్లాడు. మరోవైపు దర్శకుడు సుకుమార్ అమెరికా వెళ్లిపోయాడు. దీంతో షూటింగ్ మరింత ఆలస్యమవుతోందని తెలుస్తోంది.
Pushpa 2 Release Updates
పుష్ప 2’లో , అల్లు అర్జున్ సరసన రష్మిక మందన్న హీరోయిన్ గా నటిస్తోంది. అల్లు అర్జున్ ప్రధాన పాత్రల్లో నటిస్తున్నారు. ఫహద్ ఫాసిల్ విలన్‌గా నటిస్తున్నాడు. అలాగే అనసూయ భరద్వాజ్, సునీల్, రావు రమేష్, డాలీ ధనంజయ్ తదితరులు ప్రధాన పాత్రల్లో కనిపించనున్నారు. ఇక పుష్ప 2 నుంచి ఇప్పటికే రెండు పాటలు, ఒక టీజర్ ను విడుదల చేశారు. వీటికి అభిమానుల నుంచి అద్భుతమైన స్పందన వస్తోంది. ఇక పుష్ప 2(Pushpa 2) పాటలు యూట్యూబ్ లో రికార్డులు కొల్లగొడుతున్నాయి. దీంతో పుష్ప 2 రిలీజ్ కోసం అభిమానులు వేయి కళ్లతో ఎదురుచూస్తున్నారు. మరి ఇంతకు ముందు ప్రకటించినట్లుగానే డిసెంబర్ 6నే పుష్ప 2 రిలీజ్ అవుతుందా? లేక వచ్చే ఏడాదికి సినిమా వాయిదా పడనుందా? అన్నది మరికొన్ని రోజుల్లో క్లారిటీ రానుంది. ప్రతిష్ఠాత్మక మైత్రీ మూవీ మేకర్స్ సంస్థ భారీ బడ్జెట్ తో అత్యంత ప్రతిష్ఠాత్మకంగా పుష్ప 2 సినిమాను నిర్మిస్తున్నారు.
Also Read : Naveen Polishetty : ప్రమాదానికి గురైన యంగ్ హీరో నవీన్ పోలిశెట్టి