Stock Market : భారత్–అమెరికా ట్రేడ్ డీల్పై అమెరికా అధ్యక్షుడు డొనాల్డ్ ట్రంప్ చేసిన సానుకూల వ్యాఖ్యలు, అలాగే ఫెడరల్ రిజర్వ్ వడ్డీ రేట్లలో కోత విధించవచ్చనే అంచనాలు భారతీయ స్టాక్ మార్కెట్లలో (Stock Market) ఉత్సాహాన్ని నింపాయి. ఈ నెల 12న విడుదల కాబోయే ద్రవ్యోల్బణ గణాంకాలు కూడా అంచనాలకు అనుగుణంగా ఉండొచ్చన్న వార్తలు పెట్టుబడిదారుల్లో విశ్వాసాన్ని పెంచాయి.
Stock Market Growth
బుధవారం ఉదయం ట్రేడింగ్ ప్రారంభమైన కొద్ది సేపటికే సెన్సెక్స్ దాదాపు 400 పాయింట్ల లాభంతో పాజిటివ్ ట్రెండ్ను ప్రారంభించింది. ఒక దశలో 540 పాయింట్లు లాభపడి 81,600 మార్క్ను దాటింది. ఉదయం 10:30 గంటల సమయానికి సెన్సెక్స్ 515 పాయింట్ల లాభంతో 81,616 వద్ద కొనసాగుతోంది. మరోవైపు నిఫ్టీ కూడా బలంగా ట్రేడవుతూ, ప్రస్తుతం 161 పాయింట్ల లాభంతో 25,029 వద్ద ఉంది.
ప్రధాన షేర్ల పనితీరు
- లాభాల్లో ఉన్నవీ: ఒరాకిల్ ఫిన్సర్వ్, సయింట్, పెర్సిస్టెంట్, ఎంఫసిస్, టాటా ఎలక్సీ.
- నష్టాల్లో ఉన్నవీ: సుప్రీమ్ ఇండస్ట్రీస్, టీవీఎస్ మోటార్స్, హీరో మోటోకార్ప్, ఎల్ & టీ ఫైనాన్స్.
ఇతర సూచీలు
- నిఫ్టీ మిడ్క్యాప్ ఇండెక్స్: 553 పాయింట్ల లాభంలో కొనసాగుతోంది.
- బ్యాంక్ నిఫ్టీ: 454 పాయింట్ల లాభం నమోదు చేసింది.
- రూపాయి మారకం విలువ: డాలర్తో పోలిస్తే 88.14 వద్ద ఉంది.
మార్కెట్ నిపుణుల అంచనాల ప్రకారం, గ్లోబల్ ఆర్థిక అనిశ్చితుల మధ్య అమెరికా–భారత్ వాణిజ్య సంబంధాలపై స్పష్టత రావడం, వడ్డీ రేట్లపై సానుకూల అంచనాలు సమీప కాలంలో మార్కెట్ ఉత్సాహాన్ని కొనసాగించే అవకాశం ఉంది.
Also Read : UPI Limit Increase : ఈ సెప్టెంబర్ 15 నుంచి యూపీఐ చెల్లింపుల్లో కీలక మార్పులు
