Yatra 2: ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి జీవితం ఆధారంగా తీసిన సినిమా ‘యాత్ర 2(Yatra 2)’. 2019 ఎన్నికలకు ముందు దివంగత ముఖ్యమంత్రి వైఎస్ రాజశేఖర రెడ్డి జీవిత చరిత్ర ఆధారంగా తీసిని యాత్ర సినిమాకు సీక్వెల్ గా ఈ సినిమాను తెరకెక్కించారు. ఈ ఏడాది ఫిబ్రవరిలో థియేటర్లలో రిలీజైన ఈ సినిమా దాదాపు రెండు నెలల తర్వాత అంటే ఏప్రిల్ 12న ప్రముఖ ఓటీటీ ఫ్లాట్ ఫాం అమెజాన్ ప్రైమ్‌ లో స్ట్రీమింగ్ కు అందుబాటులో ఉంచారు. ఇప్పుడు మరో ఓటీటీలో అందుబాటులోకి తీసుకొచ్చి… అభిమానులకు సడన్ సర్‌ప్రైజ్ ఇచ్చారు చిత్ర యూనిట్. ఇప్పుడు ప్రముఖ తెలుగు ఓటీటీ ఫ్లాట్ ఫాం ఆహా లోకి కూడా స్ట్రీమింగ్ కు అందుబాటులో ఉంచారు. ఇదే విషయాన్ని చిత్ర యూనిట్ తన సోషల్ మీడియా వేదికగా పోస్ట్ చేసారు.
Yatra 2 OTT Updates..
వైఎస్ రాజశేఖర్ రెడ్డి జీవితం ఆధారంగా మహి వి రాఘవ తీసిన సినిమా ‘యాత్ర’. మలయాళ నటుడు మమ్ముట్టి టైటిల్ రోల్ చేశారు. 2019లో రిలీజైన ఈ చిత్రం అద్భుతమైన సక్సెస్ అందుకుంది. దీనికి కొనసాగింపుగా ఇదే డైరెక్టర్ తీసిన మూవీ ‘యాత్ర 2’. వైఎస్ఆర్ మరణం తర్వాత జగన్ మోహన్ రెడ్డి జీవితం ఎలాంటి మలుపులు తిరిగింది అనే అంశాలతో ఈ చిత్రాన్ని తెరకెక్కించారు. వైఎస్ రాజశేఖర్ రెడ్డి మరణం తర్వాత జగన్.. ముఖ్యమంత్రి కావాల‌ని ఎమ్మెల్యేలు సంత‌కాలు చేసినా పార్టీ అధిష్టానం ప‌ట్టించుకోదు. ఈ క్రమంలోనే రాజశేఖర్ రెడ్డి మరణం త‌ట్టుకోలేక క‌న్నుమూసిన కార్య‌ర్త‌ల కుటుంబాల‌ను ప‌రామ‌ర్శించేందుకు… వైఎస్ జగన్ ఓదార్పు యాత్ర చేస్తారు. దీన్ని కాంగ్రెస్ పార్టీ అడ్డుకుంటుంది. దాంతో కాంగ్రెస్ పార్టీకి రాజీనామా చేసిన జగన్ వైఎస్ఆర్ పార్టీని ఏర్పాటుచేసి ఎలా ప్ర‌జ‌ల అభిమానాన్ని పొందాడు? అన్ని అడ్డంకుల్ని ఎదుర్కొని ఏ విధంగా సీఏం అయ్యారనేది ‘యాత్ర 2’లో చూపించాడు.
Also Read : Suriya 44: ‘సూర్య 44’ ఫస్ట్ గ్లింప్స్‌ అదుర్స్‌ !