Vishwak Sen : దీపావళి రోజున విడుదలై విజయవంతంగా దూసుకుపోతున్న ‘లక్కీభాస్కర్‌’పై తన అభిప్రాయాన్ని తెలిపారు విశ్వక్‌సేన్‌(Vishwak Sen). సినిమా అద్భుతంగా ఉందంటూ ఎక్స్‌ వేదికగా పోస్ట్‌ పెట్టారు. ‘‘ నిన్న రాత్రి ‘లక్కీ భాస్కర్’ చూశా. అత్యుత్తమ చిత్రాల్లో ఇదొకటి. మునుపెన్నడూ లేని విధంగా ఈ చిత్రాన్ని తెరకెక్కించి దర్శకుడిగా వెంకీ అట్లూరి మరోసారి మంచి గుర్తింపు తెచ్చుకున్నారు. దుల్కర్ సల్మాన్ కెరీర్‌లోనే ఇది బెస్ట్‌ పెర్ఫార్మెన్స్‌. మీనాక్షి చౌదరి కూడా చక్కని అభినయంతో ఆకట్టుకుంది. జీవీ ప్రకాశ్‌ బ్యాక్‌గ్రౌండ్‌ స్కోర్‌ సూపర్‌. నిర్మాత నాగవంశీతోపాటు ఉత్తమ కంటెంట్‌ను అందించిన టీమ్‌ అందరికి అభినందనలు. థియేటర్లలో ఈ అనుభూతిని పొందే అవకాశాన్ని కోల్పోకండి. ఈ సినిమా ఇంకా పెద్ద హిట్‌ కావాలి’’ అని అన్నారు.
Vishwak Sen Comment
‘‘థాంక్యూ బ్రదర్‌. మీకు ఈ సినిమా నచ్చినందుకు ఆనందంగా ఉంది. ‘ మెకానిక్‌ రాకీ’ విజయాన్ని అందుకోవాలని కోరుకుంటున్నా’’ అని దుల్కర్ సల్మాన్ తెలిపారు. మూడు రోజుల్లో ఈ సినిమా రూ.39.9 కోట్లకు పైగా గ్రాస్‌ వసూళ్లు రాబట్టినట్లు చిత్రబృందం ప్రకటించింది. ప్రస్తుతం విశ్వక్‌సేన్‌ ‘మెకానిక్‌ రాకీ’ విడుదల పనుల్లో బిజీగా ఉన్నారు. రవితేజ ముళ్లపూడి దర్శకుడు. మీనాక్షి చౌదరి, శ్రద్థా శ్రీనాథ్‌ కథానాయికలు. నవంబర్‌ 22న విడుదల కానుందీ సినిమా.
Also Read : Matka Movie : వరుణ్ తేజ్ ‘మట్కా’ ట్రైలర్ పై అగ్ర నటులు, డైరెక్టర్ల ప్రశంసలు