Vishwak Sen: టాలీవుడ్‌ హీరో విష్వక్‌ సేన్‌ వరుస సినిమాలతో అలరించేందుకు సిద్ధమయ్యారు. ఇప్పటికే రెండు చిత్రాలు సెట్స్‌పై ఉండగా.. తాజాగా మరో ప్రాజెక్ట్‌ ను ప్రకటించారు. #vS13 వర్కింగ్‌ టైటిల్‌ తో ఓ పోస్టర్‌ విడుదల చేశారు. శ్రీధర్‌ గంట దర్శకత్వంలో ఇది తెరకెక్కనుంది. ‘కాంతార’ మ్యూజిక్‌ డైరెక్టర్‌ అజనీష్‌ దీనికి స్వరాలు అందించనున్నారు. పోస్టర్‌ చూస్తే ఇందులో విష్వక్‌ పోలీస్‌ గా కనిపించనున్నట్లు తెలుస్తోంది. యాక్షన్‌ డ్రామాగా ఇది రానుంది. త్వరలోనే ఈ సినిమాకు సంబంధించిన మరిన్ని వివరాలను వెల్లడించనున్నారు.
Vishwak Sen Movie Updates
ప్రస్తుతం విష్వక్‌(Vishwak Sen) రెండు సినిమాలతో బిజీగా ఉన్నారు. రవితేజ ముళ్లపూడి దర్శకత్వంలో ‘మెకానిక్‌ రాకీ’లో నటిస్తున్నారు. రాకీగా ఆయన మాస్‌ లుక్‌లో కనిపించనున్న ఈ చిత్రంలో మీనాక్షి చౌదరి కథానాయిక. కామెడీ యాక్షన్‌ ఎంటర్‌టైనర్‌గా ఇది రానుంది. దీనితో పాటు ఇటీవల ‘లైలా’ అనే కొత్త సినిమాను ప్రకటించిన సంగతి తెలిసిందే. ఇందులో ఆయన అమ్మాయిగా కనిపించనున్నారు. రామ్‌ నారాయణ్‌ దర్శకత్వంలో రూపొందుతోన్న చిత్రమిది. షైన్‌ స్క్రీన్స్‌ పతాకంపై సాహు గారపాటి నిర్మిస్తున్నారు. ఈ సినిమాను వచ్చే ఏడాది ఫిబ్రవరి 14న విడుదల చేయనున్నట్లు చిత్రబృందం ప్రకటించింది. విభిన్నమైన రొమాంటిక్‌ యాక్షన్‌ ఎంటర్‌టైనర్‌గా రానున్నట్లు ఈ చిత్రంలో కథానాయిక పాత్రకు కూడా ప్రాధాన్యముందని సమాచారం.
Also Read : Priya Bhavani Shankar: వచ్చే ఏడాది పెళ్లి పీటలెక్కడం ఖాయమంటున్న ‘ధూత’ నటి !