ఉప్పెన సినిమాతో యువ‌త హృద‌యాల‌ను కొల్ల‌గొట్టిన ముద్దుగుమ్మ కృతీ శెట్టితో ఎవ‌రైనా స‌రే న‌టించాలంటే ఎగిరి గంతేస్తారు. కానీ త‌మిళ సినీ రంగానికి చెందిన ప్ర‌ముఖ న‌టుడు విజ‌య్ సేతుప‌తి మాత్రం బిగ్ షాక్ ఇచ్చారు. తాను ఆమెతో త‌ను న‌టించే ప్ర‌స‌క్తి లేద‌ని స్ప‌ష్టం చేశారు.
ప్ర‌స్తుతం కృతీ శెట్టి తెలుగు, త‌మిళ సినీ రంగాల‌లో టాప్ హీరోయిన్ల‌లో ఒక‌రిగా ఉంటూ వ‌చ్చారు. బుచ్చిబాబు తీసిన ఉప్పెన బిగ్ స‌క్సెస్ అయ్యింది. ఆ త‌ర్వాత న‌టుడు నానితో క‌లిసి శ్యామ్ సింగ రాయ్ తో , నాగ చైత‌న్య‌తో బంగ్రాజు వంటి సినిమాలలో న‌టించారు.
ఇక విజ‌య్ సేతుప‌తి ఉప్పెన‌లో తండ్రిగా న‌టించారు. తాజాగా సేతుప‌తితో న‌టించేందుకు ఆఫ‌ర్ వ‌చ్చింది కృతీ శెట్టికి. అయితే త‌న‌కు కూతురు లాంటిది అవుతుంద‌ని త‌న‌తో న‌టించేందుకు నిరాక‌రించారు విజ‌య్ సేతుప‌తి.
ఇటీవ‌లే ఉప్పెన‌లో తండ్రిగా న‌టించాను. తాను హీరోగా ఆమెతో ఎలా చేస్తానంటూ ప్ర‌శ్నించారు. అందుకే త‌న‌తో న‌టించే ప్ర‌స‌క్తి లేద‌ని చిత్ర యూనిట్ కు చెప్పిన‌ట్లు తెలిపారు త‌మిళ హీరో.