Vijay Sethupathi : వైవిధ్య భరితమైన కథలను ఎంచుకుంటూ విలక్షణ నటుడిగా పేరు పొందిన విజయ్ సేతుపతి… విభిన్న కథా చిత్రాల దర్శకుడు మిష్కిన్ తో త్వరలో జతకట్టబోతున్నారు. జవాన్ సినిమాతో పాన్ ఇండడియా స్టార్ గా గుర్తింపు పొందిన విజయ్ సేతుపతి… విలన్ రోల్స్ కు ఇటీవలే విరామం ప్రకటించారు. దీనితో తన తరువాతి సినిమాల్లో హీరోగానే నటించడానికి ప్రాధాన్యం ఇవ్వడంతో… విజయ్ సేతుపతి వద్దకు దర్శకులు క్యూ కడుతున్నారు. ఈ నేపథ్యంలో పేసుదడి, అంజాదే, పిశాచి వంటి చిత్రాలతో తానేమిటో నిరూపించుకున్న దర్శకుడు మిష్కిన్ (షన్ముగరాజా)… విజయ్ సేతుపతికి ఓ కథను వినిపించారట. దీనికి విజయ్ సేతుపతి కూడా ఓకే చెప్పడంతో… ఈ రేర్ కాంబినేషన్ లో వచ్చే సినిమా భారీ రేంజ్ లో ఉంటుందని అభిమానులు చర్చించుకుంటున్నారు.
Vijay Sethupathi – విజయ్-మిష్కిన్ కాంబినేషన్ లో “ట్రైన్” ?
మిష్కిన్ చెప్పిన కథ ప్రకారం ఇది ట్రైన్ ట్రావెలింగ్‌ ఇతివృత్తంగా ఈ సినిమా ఉంటుందని తెలుస్తోంది. రైలులో జరిగే కథ కావడంతో దీనికి ట్రైన్ అనే టైటిల్‌ను పెట్టే ఆలోచనలో దర్శకుడు ఉన్నట్లు సినీ వర్గాల టాక్. ప్రతినాయకుడిగా జయరాం నటిస్తున్న ఈ సినిమాకు… దర్శకుడు మిష్కిన్ సంగీతాన్ని అందించనున్నట్లు సమాచారం. హర్రర్ జోనర్ సినిమాల దర్శకుడిగా మిష్కిన్… భయంకరమైన పాత్రల్లో సాటిలేని హీరోగా కొనసాగుతున్న విజయ్ సేతుపతి(Vijay Sethupathi) ల రేర్ కాంబినేషన్ కోసం అభిమానులు ఆశక్తిగా ఎదురుచూస్తున్నారు.
నటుడిగా, దర్శకుడిగా, సంగీత దర్శకుడిగా… మిష్కిన్
2002లో యూత్ అనే తమిళ సినిమాతో క్యారెక్టర్ ఆర్టిస్ట్ గా కోలీవుడ్ లో అడుగుపెట్టిన మిష్కిన్… 2006లో ఛితిరం పేసుతడి సినిమాతో డైరెక్టర్ గా మారి తొలి సినిమాతోనే మంచి విజయం అందుకున్నారు. ఆ తరువాత కోలీవుడ్ లో నటుడిగా, గాయకుడిగా, నిర్మాతగా, స్క్రీన్ రైటర్ గా, దర్శకుడిగా మంచి గుర్తింపు తెచ్చుకున్న మిష్కిన్ ఇటీవల డెవిల్‌ అనే చిత్రం ద్వారా సంగీత దర్శకుడిగా మారారు. మిష్కిన్ తాజాగా దర్శకత్వం వహించిన పిశాచి 2 చిత్రం త్వరలో తెరపైకి రావడానికి ముస్తాబవుతోంది. చేతినిండా సినిమాలతో బిజీగా ఉన్న నటుడు విజయ్ సేతుపతి కథానాయకుడిగా నటించిన 50వ చిత్రం మహారాజా కూడా రిలీజ్‌కు సిద్ధమవుతోంది. ఈ నేపథ్యంలో వీరి కాంబినేషన్ లోని సినిమా ఎప్పుడు పట్టాలెక్కుతుందోనని అభిమానుల్లో ఆశక్తి నెలకొంది.
Also Read : Nayanthara: మెగాఫోన్ పట్టనున్న నయనతార ?